Albistea entzun

Indarrean da hipoteka lege berria, bezeroak babes handiagoa eduki dezan

Notarioak informazio gehiago eman beharko dio bezeroari, hark hipoteka ulertu duela ziurtatzeko. Zailagoa izango da jendea etxegabetzea
Bezeroak informazio gehiago jasoko du hipoteka sinatu aurretik.
Bezeroak informazio gehiago jasoko du hipoteka sinatu aurretik. XABIER MARTIN Tamaina handiagoan ikusi

Xabier Martin -

2019ko ekainak 18

Notarioarekin bilera bat egiteko hitzordua jasotzen ari dira atzodanik hipoteka bat sinatu behar duten bezeroak; beste eragilerik gabeko hitzorduak dira, bankuen ordezkaririk gabe alegia, urte asko iraungo duen kontratua ondo ulertu dela ziurtatzeko. Bezeroak hipotekaren baldintza guztien berri duela ziurtatu behar du notarioak, letra txikia barne, hala agintzen baitu atzo indarrean sartu zen hipoteka legeak.

Notarioari sinatzekoa den hipotekaren informazio osoa igortzeko betebeharra du bankuak, beraz, eta hark ulermen test bat egin behar dio bezeroari. Iraganeko etxebizitza salmenta handiaren harira, finantza entitateek eragindako ziurgabetasunari muga jartzeko onartu zuten lege berria aurtengo otsailean; aurretik, Europako Batasunak Espainia behin baino gehiagotan lotsagorritu du bankuen eskandaluak eta gehiegikeriak direla eta.

INFORMAZIO ESKUBIDEA

Ezer sinatu aurretik, bezeroak kontratuaren zirriborroa esku artean izan beharko du hamar egun lehenago. Bankuak bi dokumentu helarazi beharko dizkio: Informazio Estandarizatuen Europako Fitxa (ESIS) eta Ohartarazpen Estandarizatuen Fitxa (FiAE). Bankuak aztertu beharko du mailegu eskatzailearen kaudimena, gastua bankuak berak ordainduta. Ordaindu ezin dutenei hipotekak ematea eten nahi dute horrela.

NOTARIOAREN LANA

Notarioak bezeroari aholkularitza eman beharko dio, dohainik, kontratuari eta bertan jasotzen diren klausulei buruz. Eskatzaileak galdetegi bat erantzun beharko du hipotekaren nondik norakoak ulertzen dituela egiaztatzeko. Behin gaindituta, agiria sinatu beharko du kontratu aurreko dokumentazioa jaso eta ulertu duela baieztatuz. Horrez gain, notarioak egiaztatu beharko du hipotekak ez daukala Auzitegi Gorenak indargabetutako klausularik.

KONTRATUAREN GASTUAK

Etxebizitza tasatzeko kostua bakarrik geratuko da bezeroaren esku —300 eta 400 euro artean, gehienetan—, eta finantza erakundeek hartuko dituzte bere gain notariotza gastuak, erregistroarenak eta kudeatzailearenak —1.000 eta 3.000 euro artean— .

ZORU KLAUSULEN AGURRA

Hipoteka Legeak debekatu egingo du kontratuan zoru klausulak sartzea. Horrela, interes aldakorra daukaten kredituetan bankuek ezingo dute gutxieneko interes bat finkatu. Bezeroak Euriborraren edo hura ordezkatu behar duen indizearen jaitsierak baliatu ahal izango ditu arau berriarekin. Hala ere, inoiz ezingo da negatiboa izan; hau da, gutxienez %0 izango da.

BESTE PRODUKTUAK

Aurrerantzean bankuek ezingo dizkiete hipotekari lotuta produktu gehiago inposatu bezeroei. Hori bai, eskaintzen jarraitu dezakete. Banku askok hobariak ematen dituzte hipotekarekin batera beste produktu batzuk kontratatzeagatik. Orain, ordea, maileguaren kostua soilik dakarren aurrekontu bat eskaini beharko diote bezeroari.

ETXEGABETZEAK

Legeak gehiago babestuko ditu hipotekatuak bahimendu kasuan. Lehen, kredituaren lehen erdian hiru hilabete ez ordaintzea nahikoa zen hipoteka exekutatzeko. Orain, etxegabetzea abiatzeko, ordaindu gabe egon behar da hamabi hilabete, edo utzitako diruaren %3. Maileguaren bigarren erdian bada, hamabost hilabetez kuota ez pagatzea edo maileguaren %7 ordaintzeke izatea izango dira baldintzak etxegabetze prozesu bat indarrean jartzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elisabeth Borne Frantziako lehen ministroa, gaur, Asanblean. ©Teresa Suarez / Efe

Frantziako Gobernuak gutxigatik gainditu du zentsura mozioa

Iker Aranburu

287 boto behar ziren gobernua botatzeko eta LIOT taldearen mozioak 278 boto jaso ditu.

Suitzako Federazioko presidente Alain Berset, bostekoa ematen Thomas J. Jordan Suitzako Banku Nazionaleko buruari, Finantza ministro Karin Keller-Sutter atzean dutela. Atzo, akordioaren bei emateko Bernan eginiko prentsaurrekoan. ©PETER KLAUNZER / EFE

UBS bankuak hondoak jotako Credit Suisse erosi du 3.000 milioi euroan

Edu Lartzanguren-Imanol Magro Eizmendi

Suitzako Gobernuak 9.000 milioi euro eman dizkio erreskatea bere gain har dezan. Credit Suissen akzioak %64 jaitsi dira, eta USBk kaleratzeak iragarri ditu.

Burgen Kingek inoizko moto eskari handiena egin zion iaz. ©Nuuk

Nuuk enpresaren kapitalean sartu da Eusko Jaurlaritza

Aitor Biain

Hiru milioi euroko inbertsioa egin du, Ezten arrisku kapitaleko funtsaren bitartez.

Budapesten martxan dauden CAFek egindako tranbiak. ©CAF

CAFek 100 milioi euroko bi kontratu erdietsi ditu Hungarian eta Espainian

Aitor Biain

Budapesterako 31 tranbia egingo ditu, eta sei Sevillako Alcala de Guadairarako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.