Albistea entzun

Knorr-Bremsek Iruñeko planta handituko du, eta 142 enplegu sortu

Trengintzako osagaien enpresak 50 milioi euroko inbertsioa egingo du fabrikan, egun dituen 213 beharginen lantaldea egonkortuta
Mikel Irujo Knorr-Bremseko arduradunekin, atzo, Iruñeko plantan.
Mikel Irujo Knorr-Bremseko arduradunekin, atzo, Iruñeko plantan. NAFARROAKO GOBERNUA Tamaina handiagoan ikusi

Xabier Martin -

2021eko ekainak 9

Knorr-Brense enpresak Iruñeko bere lantegia zabaltzeko duen proiektua foru interesekoa izendatu zuen Nafarroako Gobernuak maiatzaren 26an, eta babes horretan gobernuak beste urrats bat egin zuen atzo, Mikel Irujo Ekonomiako Garapeneko kontseilariak fabrikara egindako bisitarekin. Nafarroan 50 milioi euroko inbertsioa egin nahi du gobernuak, eta 142 enplegu berri sortuko lituzkeen proiektua egia bihurtu; bidez batez, gaur egun Iruñeko lantegian diharduten 213 beharginen lanpostuak egonkortzea du asmo.

«Enpresak hazkunde handia izan du azken hamarkadan, baita azken urtean bizi dugun egoera zailarekin ere. Enpresaren aurreikuspenen arabera, hazkunde horrek jarraitu egingo du», esan zuen Irujok, Knorr-Bremsen. Enpresa egitekoa den inbertsioa ez da lantegia handitzeko besterik gabe, Irujok berak azaldu zuenez. «Ikerketaren eta garapenaren inguruko ezagutza guztia Nafarroan kokatzeko modua emango luke inbertsioak. Horrek Nafarroa osorako eragin traktorea izango lukeela sinetsita nago», erantsi zuen.

Manchester eta Chicago

Alemaniako multinazionala merkatuko liderretako bat da trengintzaren galga sistemen azpisektorean. Hiru fabrika nagusi ditu ekoizpenari dagokionez: Manchesterren (Erresuma Batua), Chicagon (AEB) eta Iruñean. Nafarroan, galga organikoen eta marruskadurarako osagai sinterizatuen diseinua eta ekoizpena egiten du. Bere produktuak Renferen, Euskotrenen eta FEVEren trenbideetan ezarri dituzte, esaterako. Bilbo, Madril eta Sevillako metroetan ere erabiltzen dituzte Iruñean ekoitzitako piezak. Dena den, Nafarroako fabrikaren ekoizpenaren gehiengoa nazioartean saltzen du enpresak.

Trengintzan aritzen den Nafarroako beste enpresa handi bat Trenasa da, Castejongoa, baina CAF beasaindarraren adarra ixteko mehatxupean dago iazko abendutik. Trenasa batik bat autobus elektrikoaren negoziorako erabiltzen du CAFek, eta Poloniako Solaris erosi ondoren lan kargarik gabe geratu dela esplikatu du enpresa gipuzkoarrak. Castejongo plantari eusteko Renferen eskaera berriak nahi ditu CAFek, baina, oraingoz, ez dira iritsi Espainiako konpainiaren kontratuak Trenasa salbatzeko, eta lantaldeak protestak egin ditu azken asteetan. Itxiera arrisku handia dago; ez alferrik, denbora aurrera egiten ari baita soluziorik gabe.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Pedro Azpiazu Ekonomia sailburua, Eusko Legebiltzarreko Ekonomia eta Ogasun Batzordearen bilera batean ©Asier Bastida (Irekia)

Zigortutako aholkularitzekin lanean jarraituko du Jaurlaritzak

Jokin Sagarzazu

Soilik auzitegi batek behartuta hartuko lituzke neurriak. Baztertu egin du auditoria bat egitea. Ukatu egin du erantzukizun politikoak argitu behar direla. 

Tubacexeko langileak, EAEko Justizia Auzitegi Nagusiaren aurrean, gaur. ©Aritz Loiola / Foku

Tubacexeko langileak itxaropentsu kaleratzeei buruzko epaiketan

Iker Aranburu

Gaur eta bihar izango dira epaiketak, EAEko Justizia Auzitegi Nagusian.

Nafarroako Ogasunaren bulego bat, itxita, iazko maiatzean. ©Iñigo Uriz / Foku

Nafarroan ere handitu da zerga bilketa

Iker Aranburu

Urteko lehen bost hilabeteetan 1.423,5 milioi euro bildu ditu Nafarroako Ogasunak, iaz epe horretan baino %21,9 gehiago.

SIDERURGIA GORI-GORI DAGO

SIDERURGIA GORI-GORI DAGO

Jokin Sagarzazu

Garai gozoa da Euskal Herriko altzairutegientzat: lan karga handiak dituzte, eta aurreikuspenak onak dira. Altzairuaren prezioa azken urteetako garestiena da. Sektoreak, halere, «mehatxu eta erronka handiei» egin behar die aurre.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna