Kasko urdinek matxinoei ez diete armak emango

NBEko soldaduek ez dizkiete armak emango matxinoei. Horrela baieztatu dute Filipinetako armadako agintariek. Siriako matxinoek Golan gainetan setiatuta dauzkate Filipinetako militarrak. Armadaren arabera, 75 dira, eta «ondo» daude. «Soldaduek tinko eutsi diete, eta euren posizioetan jarraitzen dute. Ez dituzte armak emango gatibu ez hartzeko». Halaber, matxinoek Fijiko beste 43 kasko urdin gatibu hartu dituzte. NBE hasi da negoziazioekin militarrak askatzeko. NBEko misio baten parte dira militarrak, Siria eta Israelek okupatutako Golango gainen arteko muga zaintzeko. Haien eginkizuna bi herrialdeek adostutako su-etena betetzen dela ziurtatzea da.