Santanazaleek esku dantza egin dute

Atzo ospatu zuten santanazaleen eta kuadrillen eguna Ordizian (Gipuzkoa), Santa Ana jaiei amaiera emanez. Iaz herrian ezkondu ziren bederatzi bikotek egin zuten esku dantza plazan. 09:30ean bildu ziren plazan, eta udaleko liburuan sinatu zuten gero parte hartzailek. Elizara joan ziren segidan, sokan, meza entzutera, eta, eguerdi aldera, plazara itzuli ziren bikoteak esku dantza egitera.