EITBk bost ipuinen bideopodcastak zabalduko ditu aste honetan
On Time ekoiztetxeak EITB Podkast atariarentzat egindako bost ipuinen podcastak eta bideopodcastak sareratuko dituzte egunotan, Kuku! bildumaren izenburupean. EITB Podkast atarian bertan entzun daitezke ipuinak (baita podcasten beste plataformetan ere). Eta EITBren Youtubeko kanalean bideopodcastak ikusi eta entzun daitezke.
Iñaki Beraetxe da podcasten grabaketaren zuzendaria. Ipuinen itzultzailea, berriz, Arkaitz Goikoetxea da. Ahotsak aktore hauek jarri dituzte: Aintzane Krujeirasek, Itziar Urretabizkaiak, Ainhoa Aierbek eta Joxe Felipe Auzmendik.
Astelehenean estreinatu zuten aurreneko ipuina: Kokoriko eta katu kaskamotza. Atzo iritsi zen bigarrena: Ohean, mendi artean. Beste hirurak, berriz, Inuiten mila zuriak, Ez da munduan min handiagoa ematen duenik eta Dortokak lo egin nahi du dira.
Bideopodcasten animazioak Lander Ayllonek eta Johnny Riskek egin dituzte. Txalapartak duela urte batzuk argitaratutako ipuinetako marrazkien ilustrazioak erabili dituzte animazioak lantzeko.
Uztailaren 4tik 15era, bestalde, EITB Podkast atariak Sara eta Paulen abenturak haurrei zuzendutako audio fikzioa sareratu zuen.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
