Musika saio berri bat egingo du Arkaitz Villarrek Euskadi Irratian

Urtzi Urkizu -

2019ko irailak 6
Astelehenean ekingo diote EITB taldeko irratiek denboraldi berriari. Berrikuntzen artean, Arkaitz Villar esatariak musika industriaren inguruko irratsaio berri bat egingo du Euskadi Irratian. Musikarekin lotura duten eragileekin elkarrizketak egingo ditu Villarrek. Saio bera gaztelaniaz ere egingo du Radio Euskadirako.

Euskadi Irratiko asteburuetako albistegiak Igotz Alkortak zuzendu eta aurkeztuko ditu aurrerantzean. Joxe Juan Ugaldek, berriz, Egunbete gaueko albistegia gidatuko du astegunetan. Euskadi Irratiko iritzi emaile berrien artean, Aitziber Ibaibarriaga, Nagua Alba, Edurne Egino eta Mikel Irizar egongo dira. Iaz bezala, Maite Artolak gidatuko du Faktoria, eta Manu Etxezortuk gidatuko du gero goiza, eguerdira arte.

Radio Euskadin, asteburuetako Hágase la luz saioa Goizalde Landabasok gidatuko du hemendik aurrera. Joseba Martinek aurkezten duen La jungla sonora musika irratsaioak 30. urteurrena ospatuko du aurten.

Gaztean, iazko esatariek jarraituko dute Dida eta Box saioetan. Ostegunetan, musika elektronikoari eskainitako Moon Safari saioa emango dute.

Radio Vitorian, Ricardo Guerrak egingo du Baskoniaren partiden kontakizuna, Rafa Muntionen ordez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna