Albistea entzun

'Smartless' podcastari buruzko saio bat egingo du Discoveryk

Urtzi Urkizu -

2022ko maiatzak 19

Warner Bros eta Discovery konpainiek bat egin dutenetik lehen agerraldi publiko garrantzitsua egin zuten atzo New Yorken. Iragarritako edukien artean, Discovery Plus plataforman Smartless umorezko podcastaren inguruko dokumental saio bat estreinatuko dute. Jason Bateman, Sean Hayes eta Will Artnett dira podcast horren aurkezleak; AEBetako zenbait hiritako antzokietara eramaten dute podcasta, eta emankizunaren atzeko aldearen berri emango dute Discoveryn. Horrez gain, Jason Momoa aktoreak aurkeztuko duen programa berri bat estreinatuko du Discoveryren plataformak. Eta kirolari ezagunekin hiru saio egingo ditu.

Fikziozko lanei dagokienez, Gremlins filmeko pertsonaiekin osatutako marrazki bizidunak estreinatuko ditu HBO Maxek (Warner Bros); Scooby Dooren abenturetako Velma pertsonaian oinarritutako telesail bat egingo dute —Mindy Kaling izango da aktore protagonista—; eta Peacemaker telesailaren bigarren denboraldia grabatuko dute.

HBO Maxek, halaber, Melissa Viviane Jefferson Lizzo kantariaren inguruko dokumental bat egingo du.

Andy Garcia eta Gloria Estefan protagonista dituen film bat estreinatuko du HBO Maxek, ekainaren 16an: Father of the bride.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kamisetak banatu zizkieten atzo parte hartzaileei, Maulen. ©GUILLAUME FAUVEAU

Bueltan da olatu laranja

Eire Maia Manterola

Abiatu da IV. Euskarabentura espedizioa. Gaur egingo dute lehen etapa abenturan izena eman duten 127 gazteek: Mauletik Pagolara joango dira.
Iaz, ohi baino talde gutxiagok parte hartu zuten Donosti Cupen, osasun egoera dela eta. ©MAIALEN ANDRES / FOKU

Baloiak elkartuko ditu berriz

Ane Insausti

Inoiz baino talde gehiago arituko dira 30. Donosti Cupen: 754. Etzi hasi eta larunbatean amaituko da, eta jarduera guztiak egingo dituzte berriz ere.

Bilboko erraldoiak, Mariaren Bihotza plazako aztarnategian. ©BERRIA

Erakusketa erraldoi bat

Enekoitz Telleria Sarriegi

'Bilboko erraldoiak' erakusketa Mariaren Bihotzaren plazako aztarnategian jarri dute aurten, eta irailaren 11ra arte egongo da ikusgai. 1980ko eta 1988ko hamasei erraldoi daude bertan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.