Albistea entzun

Iturbe kargutik kentzeko eskea ez da aurrera atera Eusko Legebiltzarrean

Urtzi Urkizu -

2018ko ekainak 29

Eusko Legebiltzarrean laugarren aldiz bozkatu zuten atzo Maite Iturbe EITBko zuzendari nagusia kargutik kentzeko proposamen bat. Elkarrekin Podemosena zen legez besteko proposamena, eta ez zen aurrera atera, bere taldeak eta PPk soilik bozkatu baitzuten alde. EAJk eta PSE-EEk aurka bozkatu zuten, eta EH Bildu abstenitu egin zen. Talde horretako legebiltzarkide Unai Urruzunok esan zuen ez dutela «txeke zuririk» emango. EITBren inguruko hainbat gairi heldu behar zaiela adierazi zuen Urruzunok: «Egiturazko lantaldea finkatzea, enpresa eredua...». Gogoratu zuen asteon pertsona baten elkarrizketa zentsuratu dutela ETBko saio batean, Altsasukoak aske lelopeko elastikoa zeramalako. «Inpultso politiko bat dago hor».

Elkarrekin Podemoseko Eukene Arana eta PPko Nerea Llanos gogor mintzatu ziren gaur egungo zuzendaritzaren aurka. «Iturbek alderdiari egiten dio lana, EAJri», salatu zuen Aranak. Ildo beretik, hala esan zuen Llanosek: «Iturberen erabakiak zuzeneko konexioan daude Sabin Etxearekin. EAJren telebista da. EITB Jaurlaritzaren esku dagoen tresna politikoa da».

EAJko Ana Oregik eta PSE-EEko Rafaela Romerok legebiltzarreko lantaldean erreformarekin jarraitzea defendatu zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.
 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.
Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...