Netflixek barne ekoizpeneko zentro bat sortu du Madrilen, lehena Europan

Urtzi Urkizu -

2019ko apirilak 5
Europako bere lehen ekoizpen zentroa inauguratu zuen atzo Netflixek, Madrilen. Egoitzak 22.000 metro karratu ditu. Iaz, 13.000 langile aritu ziren Madrilen Netflixeko ekoizpenentzat beharrean, eta urte honen bukaerarako 25.000 izatea espero dute. «Epe luzera ari gara inbertitzen, hemen gaude geratzeko eta aktiboki parte hartzeko», esan zuen Reed Hastings Netflixeko kontseilari ordezkariak. «Gure helmuga da telesailen, filmen eta dokumentalen sortzaile onenekin lan egitea», gaineratu zuen.

Bi telesail berriren xehetasunak eman zituen Netflixek: batetik, El Inocente egingo dute, Harlan Cobenen suspensezko liburu batean oinarritua, eta, bestetik, Mateo Gil gidoilari eta zinemagileak sortutako Los Favoritos de Midas, Jack Londonen ipuin batean oinarritua.

Galegozko telesail bat

Bestalde, Interneteko plataformak duela egun gutxi galegozko telesail bat sartu du aurreneko aldiz bere katalogoan: El sabor de las margaritas. TVGren ekoizpen bat da, eta lehen denboraldia iazko urrian estreinatu zuten kate autonomikoan. Aktore protagonistak Maria Mera, Tony Salgado, Miguel Insua eta Ricardo de Barreiro dira. Katalanez hiru telesail daude ikusgai Netflixen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna