Ibarreko taldearen Ispiluaren aurrean film laburrak irabazi du Gaztezulo aldizkariaren hamahirugarren bideo lehiaketako lehen saria. Talde horren sortzaileak Unax Alcubilla, Nekane Garcia, Gorka Ezkibela eta Maider Pino dira, eta Pinok berak jokatzen du istorioan rol protagonista: ispiluaren aurrean jartzen den neska bat da, eta beste irudi bat ematen duen ni-a hasten zaio hizketan.
Bigarren saria Puntu puntuan film laburrarentzat izan da. Lan horren sortzaileak Uxue Poveda eta Oier Markotegi dira.
Ezustean film laburrak irabazi du Publikoaren saria —azkeneko hilabetean Gaztezulo.eus-en erabiltzaileek emandako botoek erabaki dute sari hori—. Ezustean lanaren sortzaileak Iker Mateo, Nahia Arteaga eta Gorka Granado dira.
Twitch bidez egin zuten sariak banatzeko ekitaldia atzo iluntzean, Jokin Pedreñok gidatuta. Sarean ikus daiteke.
