Esta es una noche de Rock & Roll saioa estreinatuko du gaur ETB2 kateak, 22:40an. Talent-reality show formatuko programa bat da, eta 55 urte baino gehiago dituzten gizon eta emakumeekin musika talde bat osatzeko xedea izango dute.
Taldea osatzeko, partaideek hiru adituren laguntza izango dute: Leire Martinez La Oreja de Van Gogh taldeko abeslaria, Afrika Bibang musikaria eta Dann Hoyos gitarra jotzailea. Trebatzaile lanak egingo dituzte hirurek, eta musika taldea trebatzen eta garatzen lagunduko diete parte hartzaileei.
Lehenbizi, edonola ere, hautaproba batzuk egingo dituzte, Bilbon. Bost finalista izango dira, eta horiek eratuko dute musika taldea. Baserri-estudio batean biziko dira guztiak, musika proiektuan buru-belarri lanean. Saioa asteazkenero emango dute.
ETB2k musika talde bat osatuko du 55 urtetik gorako kideekin
Iruzkinak
Ez dago iruzkinik
Ordenatu