Albistea entzun

Iñaki Guridik gidatuko du 'Albiste Faktoria' astelehenetik aurrera

Aldaketa gehiago egin dituzte Euskadi Irratian: 'Mezularia'-ren editorea Oihane Perez izango da
Iñaki Guridik Euskadi Irratiko <em>Albiste Faktoria</em> gidatuko du, astelehenetik ostiralera.
Iñaki Guridik Euskadi Irratiko Albiste Faktoria gidatuko du, astelehenetik ostiralera. EITB Tamaina handiagoan ikusi

Urtzi Urkizu -

2020ko irailak 5 - Donostia

Aurreko denboraldiaren bukaeran, Maite Artolak iragarri zuen ez zuela Albiste Faktoria gidatzen jarraituko —zazpi urtez aritu da zeregin horretan—. Artola astelehenean itzuliko da mikro aurrera, baina, denboraldi honetan, Goizak gaur 13:00etako albistegia gidatuko du. Albiste Faktoria-ren gidaria, berriz, Iñaki Guridi kazetaria izango da astelehenetik aurrera. Euskadi Irratiko albistegietako kazetari eta editore lanetan aritu da urte luzez Guridi, eta taldeko ardura postuetan ere bai: EITBren irratietako zuzendariordea izan zen.

Beste aldaketa batzuk ere egin ditu Euskadi Irratiak albistegietan: Mezularia-ko editorea Oihane Perez izango da aurrerantzean. Lurdes Arrizabalagak, berriz, gaueko Egun bete albistegia gidatuko du. Eta asteburuetako albistegien editore nagusia Igotz Alkorta izango da.

Manu Etxezortuk jarraitu egin go du Faktoria Magazina irratsaioaren gidaritzan. Maider Segurolaren eta beste esatari batzuen laguntza izango du. Kolaboratzaileen artean, hauek egongo dira: Josu Goikoetxeak poesia jarriko dio gertatzen denari; umorez jardungo du Fede Badiolak; Julen Bazek berrikuntza eramango du saiora, eta ohiko sukaldaritza dema ez da faltatuko; zenbait gauza debalde direla azalduko dute Aritz Brantonek eta Amaia Urberuagak; ekonomia kontuak plazaratuko dituzte Olaia Martiarenak eta Jon Bernat Zubirik; Oskar Estangak kanta «pertsonalizatuak» kantatuko ditu; eta Iñigo Etxezarretak playlist kutunak eramango ditu.

Baipasa arratsaldeko magazinak jarraitu egingo du, Olaia Urtiagaren eskutik —urtarrilean estreinatu zuten—. Asteburuetan, Amarauna saioan, Nagore Telleria esatari gidariak Gorka Otaegi, Arantxa Arza eta Unai Urreaga izango ditu laguntzaile.

Musika saioak ere ez dira faltako denboraldi honetan: Jon Basagurenek Zidorrean egingo du; Joseina Etxeberriak, Kantu kontari, eta Asier Leozek, Portobello.

'Boulevard'-en, Ander Arzak

Radio Euskadin, Dani Alvarezek Boulevard utziko zuela iragarri zuen aurreko denboraldiaren bukaeran. Ander Arzak kazetariak hartuko du haren tokia goizeko irratsaioan.

Gauetako Ganbara saioa, berriz, berritu egingo dute. Ainara Torrek gidatuko du. Ganbara de cerca ataleko solasaldi sakonaz gain, tertulia tradizionala ere egingo dute, kolaboratzaile talde berriarekin.

Arratsaldetan, Eli Legardak Vivir para ver solasaldi «lasaia» gidatuko du; Kike Martinek eta Felix Linaresek Iflandia kultur saioa aurkeztuko dute; eta, ondotik, Graffiti saioa helduko da.

Asteburuetan, Más que palabras saioa kalera irtengo da maiz, Roberto Mosoren eta Ander Iribarren eskutik. Julian Diaz Alonsok De la piel del diablo atal berria egingo du. Aktualitatea lantzeaz Jose Luis Fonseca arduratuko da. Irratsaio horretan arituko da Goizalde Landabaso ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.
Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.