Albistea entzun

Suitzako 'Arthur' eta Poloniako 'Project: 2030' garaile Serieslanden

'Daniel|a|'-k irabazi du euskal websailik onenaren saria, eta Gabriel Ocina aktorea ere saritu dute
<em>Arthur</em> websaila. Fikzio horren sortzaileek eraman dute Seriesland jaialdiko sari nagusia.
Arthur websaila. Fikzio horren sortzaileek eraman dute Seriesland jaialdiko sari nagusia. BERRIA Tamaina handiagoan ikusi

Urtzi Urkizu -

2022ko urriak 22

Nick Rusconi, Chloe de Souza eta Alberto Meroni Suitzako sortzaileek eraman dute Seriesland nazioarteko jaialdiko showrunner onenaren Epaimahaiaren Sari Handia, Arthur websailaren bigarren denboraldian zuzendaritzan, ekoizpenean eta gidoigintzan egindako lanagatik. Hori da Bilboko jaialdiak ematen duen saririk garrantzitsuena. Thriller generoa komediarekin eta dramarekin uztartzen ditu lanak, eta saileko hiltzaile baten gorabeherak kontatzen ditu.

Atzo iluntzean eman zituzten sariak, Guggenheim museoan egindako ekitaldi batean. Epaimahaiak Poloniako Project: 2030 dramari eman dio websailik onenaren saria. Wojtek Jezowskik zuzendu du lana. 2020ko hamarkadaren amaieran aurrerapen teknologikoek gizartean zer eragin izango duten aurreikusten du. Iradokitzen du zailtasunak egongo direla gertaerak itxuratik bereizteko, errealitate birtuala garatzeak eta areagotzeak egoera bereziak sorraraziko dituela, metabertsoak eta metagizakiak tarteko. Ingelesez egina da.

Gina Wenzel Alemaniako sortzaileak, berriz, zuzendaritzarik onenaren saria jaso du, Four Tracks websailan egindako lanari esker. Rap abeslari baten erretratua egiten du fikzio horrek.

Euskal Herriko websailik onenaren saria Daniel|a| euskarazko lanak irabazi du —Gaztearen Youtubeko kanalean ikus daiteke osorik—. Sariarekin batera, AEBetako Los Angelesko eta Miamiko websailen jaialdietan erakusteko hautatu dute, baita Alemaniako Die Serieale jaialdian ere. Websail horretako Gabriel Ocina aktoreak (Barakaldo, Bizkaia, 1969) Sail Ofizialeko bigarren mailako aktorerik onenaren saria eraman du.

Beste aktore hauek ere saritu ditu epaimahaiak: Ettore Nicoletti (Arthur websaila), Ulrikke Falch (Ligga) eta Carolin Malwald (Four Tracks).

Project: 2030 Poloniako websailak zinematografiarik onenaren saria ere lortu du. Gidoirik onenaren saria, berriz, Pops lanari eman diote.

Ohorezko Saria, Xaxenoki

Sail Ofizialekoak dira sari nagusiak, baina Amets kategorian ere makina bat sari banatzen dituzte, ekoizpen independenteei aitortza egiteko. Amets kategoriako sortzailerik onenaren saria Corinne Le Hongi alemaniarrari eman diote, Word of Sox websailagatik. Top Amets saria, berriz, Woodkavariationes lanarentzat izan da.

Euskal Herriko ekoizpenei dagokienez, Daniel|a|-k lortutako sariez gain, Casa de Ma Asia Web Awards jaialdiko Sail Ofizialerako hautatu dute: Nacederos websaila Seulgo eta Zeelanda Berriko jaialdietara joango da; eta TBA websaila Riokora eta Siziliakora.

Giza Eskubideen Ohorezko Saria Valeria Xaxenok Ukrainako tiktokerrari eman diote. Ostegunean hitzaldi bat eman zuen Bilbon, Ukrainako gerran egindako bideoen inguruan. Umore beltzez dokumentatu zuen aireko erasoetatik babesteko gune batean emandako 17 egunak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MARISOL RAMIREZ / FOKU

«Surfaren klixeak desegitea oso zaila da»

Enekoitz Telleria Sarriegi

Lopez de Gereñuk bere pasioetako bi uztartu ditu aurreneko aldiz: artea eta surfa. 'Surf Like You Are, Live Like You Surf' erakusketa jarri du Bilboko Itsasmuseumen. Erretratuak paperezko poltsetan egiten ditu.
 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Aleix Garrido dronearekin grabatzen. ©ALEIX GARRIDO

Hegan egitearen antzekoena?

Unai Etxenausia

Oraindik ere gerretan erabiltzen dira, baina oso bestelakoa da jende askok droneari ematen dion erabilera. Aisialdirako jarduera bat izateaz gain, eguneroko lanaren parte bihurtu da askorentzat. Legedia zorroztu da, eta baimen bereziak eskuratu behar dira arazo barik gidatu ahal izateko.

Toni Collette aktorea, <em>The Power</em> telesailaren irudi batean. Sari nagusia irabazteko hautagaietako bat da Lillen. ©AMAZON

Series Mania jaialdiko edukiak Iparraldean ikusgai, sarean

Urtzi Urkizu

Lillera joan gabe, lehian diren telesailak ikusi ahalko dira plataforma batean. Martxoaren 17tik 24ra egingo dute nazioarteko jaialdia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...