Albistea entzun

TVEk Beriain eta Fraile omenduko ditu gaur bi dokumentalen bidez

La2 kateak 'Los ojos de la guerra' eta 'Morir para contar' lanak emango ditu, 23:00etan
David Beriain eta Roberto Fraile kazetariek makina bat lan egin zuten elkarrekin.
David Beriain eta Roberto Fraile kazetariek makina bat lan egin zuten elkarrekin. JORGE FERNANDEZ MAYORAL Tamaina handiagoan ikusi

Urtzi Urkizu -

2021eko maiatzak 1

David Beriain Afganistango gizarteari buruz hizketan: «Galdetu izan diot neure buruari zer egingo ote nukeen Afganistango gerrako gizon horietako bat banintz». Roberto Lozanok duela hamar urte egin zuen Los ojos de la guerra dokumentalean mintzo da Beriain, gatazketan lan egiten duten beste kazetari batzuekin batera. TVEk Beriain eta Roberto Fraile omentzeko emango du gaur lana, 23:00etan, La2 kateko La noche temática saioan. Burkina Fason berriki hil dituzten bi kazetariei aitortza egingo die horrela kate publikoak.

Los ojos de la guerra laneko kameraria, halaber, Roberto Fraile bera izan zen. Afganistango gerraz gain, Balkanetako gerra, Irakeko inbasioa eta Kongoko gatazka armatua aztertzen dituzte zenbait kazetarik. Tokian bertan gatazken berri eman izan duten kazetariak dira protagonista nagusiak; tartean, Mikel Aiestaran ETBko eta Vocentoko berriemailea —urteak daramatza Ekialde Hurbileko gatazken berri ematen—, Gervasio Sanchez argazkilaria, Sergio Caro kazetaria eta Hernan Zin Argentinan jaiotako berriemaile, zinemagile eta ekoizlea.

Dokumentalak giza eskubideen aldeko alegatu bat izan nahi du. Horretarako, Lozanok gerretako izugarrikeriak plazaratzen ditu zenbait lekukotzaren bitartez. Halaber, dokumentalak Afganistan, Kongo, Irak eta Balkanetako tokiko prentsaren berri ematen du. Gerrak biktimengan duen eragina aztertzen du, eta kazetariek gatazkak nola tratatu behar dituen islatzen du. Bidenabar, gerretan lan egiten duten berriemaileek bizi ohi dituen arriskuak geratzen dira agerian.

Ondorio pertsonalak

Bai Beriain eta bai Fraile beren esperientziaz hizketan agertzen dira Morir para contar dokumentalean —Los ojos de la guerra amaitu bezain laster emango dute—. Hernan Zin zinemagileak Vietnamgo gerratik 2017ra arteko bidaia bat egiten du bertan, gatazketan lan egiten duten kazetarien bitartez.

Gerra batean lan egiteak kazetariengan duen pisu psikologikoa agerian gelditzen da lanean. Era berean, estres postraumatikoa jasan izan duten kazetariei ematen zaien laguntzaz mintzatzen dira.

Dokumentalean azaltzen dira Estatu Islamikoak bahitutako kazetariak, Sirian zauritu dituztenak, eta lankide zein lagunak galdu izan dituztenak Bosnian, Sierra Leonan, Iraken edo Afganistanen. Ahoan bilorik gabe mintzo dira gatazketako berriemaileak, gerren kontakizun oso gordinak plazaratuz. Funtsean, dokumentala bera omenaldi bat da, herritarrak informatuak egon daitezen beren bizia arriskuan jartzen dutenei eginikoa.

Morir para contar dokumentala ikusgai dago Netflix plataformako katalogoan ere. RTVEk eta Contramedia Films eta Quexito Films ekoiztetxeek ekoitzi zuten.

Beste alde batetik, Beriainek ekoitzitako azken lanetako bat, Palomares dokumental saioa, Movistar Plusen ari dira ematen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jendetza bildu ohi da festen hasieran Laudion. ©LAUDIOKO UDALA

Dantzaz beteriko festak

Maixa Utrera Puelles

Martxan dira Laudioko San Roke jaiak, Jabier Artetak txupinazoa bota eta agurra irakurri ostean. Bi txandatan egingo dituzte jaiak: lehen txanda, bihar arte; ondoren, hilaren 24tik 28ra

 ©BERRIA

«Kantatzea barruan dudana botatzea da»

Iraia Irazusta Mujika

Kontzertu bat emango du gaur Donostiako Aste Nagusian Larrañagak. Neo-soul doinuetan murgilduta, lehenengo diskoko eta lan berriko doinuak entzuteko aukera egongo da Bulebarrean.
1 ©JON URBE / @FOKU

Hogeigarrenez abordatu dute piratek Donostia

Amaia Jimenez Larrea Jakes Goikoetxea

Donostiako Piratek Kontxako badia abordatu dute bi urteren ondoren. Berrehun bat baltsa atera dira guztira, eta jende ugari ibili da bai uretan, bai lehorrean
Baltsa piratak, portutik Kontxarako bidean. ©JON URBE / FOKU

Donostia abordatu dute piratek ia 200 ontzitan

Hodei Iruretagoiena - Mikel P. Ansa

Itzuli da Aste Nagusi Pirataren ikur bihurtu den ekitaldia, bi urteko etenaren ondoren. Ia berrehun ontzi abiatu dira, 17:00ak jo dutenean. Abordatzeak hogeigarren aldia du aurten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...