Noiz sortua: 2020-02-15 00:30:00

Athleticen finalerdiak, %46,5eko ikusle kuota; Realarenak, %36,4koa

Araban, Bizkaian eta Gipuzkoan, guztira 400.000 lagunek ikusi zuten zuri-gorrien garaipena
Athleticen eta Granadaren arteko partida, asteazkenean.
Athleticen eta Granadaren arteko partida, asteazkenean. MARISOL RAMIREZ / FOKU Tamaina handiagoan ikusi

Urtzi Urkizu -

2020ko otsailak 15
Datuek erakusten dutenez, futbolak bereganatzen du ikusle gehien telebistan, eta horren adibide izan dira aste honetan jokatu diren Espainiako Kopako finalerdietako joaneko lehiak: Araban, Bizkaian eta Gipuzkoan, Athletic-Granada partidak %46,5eko ikusle kuota lortu zuen asteazkenean —400.000 herritarrek ikusi zuten finalerdia osorik telebistaz—; Reala-Mirandes partidak, berriz, %36,4ko ikusle kuota izan zuen —285.000 ikus-entzule—. Bi kasuetan, eguneko emanaldietan liderrak izan ziren, alde handiz: asteazkenean, gehien ikusi ziren emankizunetan bigarrena ETB2ko Teleberri1 izan zen, eta futbol partida baino 305.000 ikusle gutxiago izan zituen. Ostegunean, aldea txikiagoa izan zen futbolaren eta bigarren emankizunaren artean, Tele5ko La isla de las tentaciones saioaren finalak %25,3ko ikusle kuota bereganatu baitzuen.

Hego Euskal Herriko, Herrialde Katalanetako, Galiziako eta Espainiako datuak batuta, Athletic-Granada partidak 2,6 milioi ikus-entzule izan zituen Cuatro katean. Herrialde horiek guztiak kontuan hartuta, 2.321.000 lagunek ikusi zuten Reala-Mirandes lehia.

Athleticek Espainiako Kopan jokatu zuen aurreko kanporaketak ere antzeko emaitzak izan zituen: otsailaren 6an, final-laurdenetako Athletic-Bartzelona partidak %44,9ko ikusle kuota izan zuen Cuatron —366.000 ikus-entzule—. Real Madril-Reala partida, berriz, Interneteko Dazn plataformak eman zuen.

2015eko finala

Finalerdietako ikusle datuak handiak izan dira, eta gainditu egin daitezke finalean. Izan ere, 2015eko Espainiako Kopako finala Athleticek Bartzelonaren aurka jokatu zuen, eta orduko hartan %59,7koa izan zen ikusle kuota Araban, Bizkaian eta Gipuzkoan (447.000 ikusle). Apirilaren 18an jokatuko da aurtengo finala, Sevillan (Espainia), eta Mediaset taldeak emango du.

Espainiako Kopako Athleticen partiden oihartzuna handia da, baina are audientzia handiagoak lortu izan dituzte Espainiak Eurokopan eta Munduko Kopan jokatutako zenbait partidak. Esate baterako, 2018ko Munduko Kopan, Espainia-Errusia partidak %63,3ko ikusle kuota izan zuen, Araban, Bizkaian eta Gipuzkoan —txapelketa bereko finalak, Frantzia-Kroazia, %51,5eko ikusle kuota bereganatu zuen—. Inoizko ehunekorik handiena 2010eko Munduko Kopako finaleko —Espainia-Herbehereak— luzapenak izan du: %80,4ko ikusle kuota.

ETB1ek ere bere garaian datu oso-oso handiak lortu izan ditu zenbait futbol partidatan. 2012ko apirilaren 25ean, Txapeldunen Ligako finalerdietako penaltiek —Real Madril eta Bayern Munich ari ziren jokoan— %49,3ko ikusle kuota izan zuten —700.000 ikus-entzule—. Taldeak esan zuenez, hori izan zen ETBren historian ikus-entzule gehien bereganatu zuen emankizuna. Hilabete hartan, euskarazko kateak %3,1eko ikusle kuota izan zuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Konfinamendua apirilaren 26ra arte luzatzea aztertuko du gaur Espainiako Gobernuak

Berria

Pedro Sanchez batzorde zientifikoarekin bilduko da eta ondoren jakinaraziko die luzapena alderdi politikoen ordezkariei. Iñigo Urkulluk agerraldi bat iragarri du 11:30etarako.

Ikurrina bat, Durangoko balkoi batean koronabirusak hildakoak gogoratzeko. / ©Raul Bogajo, Foku

Aberri Eguna balkoietan ospatzera deitu dute hainbat pertsona ezagunek

Jon Ordoñez Garmendia

Ikurrinak jartzeko eta ordu jakin batean euskal irratietan emango den abesti bat kantatzera deitu dute. Osasun krisian bizia galdu dutenak gogoratu, dolua adierazi eta zaintzan dabiltzanei eskerrak emateko baliatu nahi dute. (ikusi nortzuk diren sustatzaileak, albistean).

Iñigo Urkullu artxiboko irudi batean. ©Juanan Ruiz, FOKU

Urkullu: «Dena ematen ari gara egoera honetatik atera eta normaltasunera itzultzeko»

Ainhoa Larretxea Agirre

Azken egunetako bilakaera positiboa izaten ari den arren etxean gelditzeko beharra azpimarratu du Urkulluk. Bere dolumina helarazi die azken egunetan hurbilekoren bat galdu duten herritarrei. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna