'Un paseo con Madeleine'

Zuzendaria: Christian Carion. Aktoreak: Line Renaud, Dany Boon, Alice Isaaz, Jeremie Laheurte, Julie Delarme, Gwendoline Hamon, Thomas Alden, Elie Kaempfen. Iraupena: 91 minutu. Generoa: drama. Herrialdea: Frantzia.

Madeleinek 92 urte ditu. Taxi bat eskatu du, bizitzera joatekoa den etxera iritsi ahal izateko. Bidean, Charles taxistak emakumearen eskaera bat onartuko du: andrearen bizitzan garrantzitsuak izan diren tokietatik pasatzea. Parisko kaleetan barna ibiliko dira taxian. Taxistaren eta emakumearen artean adiskidetasun polita sortuko da. Ez dira horren jakitun, baina bidaiak haien bizitza aldatuko du.