Albistea entzun

Mondragon Unibertsitatearen komunikazio campusa egingo dute

DBH4ko eta Batxilergoko ikasleei dago zuzendua. Izena emateko epea ostiralean amaituko da
Iazko komunikazio campusaren irudi bat, Aretxabaletan (Gipuzkoa).
Iazko komunikazio campusaren irudi bat, Aretxabaletan (Gipuzkoa). MONDRAGON UNIBERTSITATEA Tamaina handiagoan ikusi

Urtzi Urkizu -

2022ko ekainak 14

Mondragon Unibertsitateak eta Goiena Taldeak II. Komunikazio Campusa antolatu dute, uztailerako. Aretxabaletan (Gipuzkoa) egingo dituzte udaleku horiek, bi txandatan: uztailaren 4tik 8ra eta 11tik 15era —biak, 09:00etatik 13:30era—. Derrigorrezko Bigarren Hezkuntzako laugarren ikasturteko eta Batxilergoko lehen urteko ikasleei dago zuzendua udako campusa. Izena emateko epea ostiralean amaituko da, eta prezioa 125 eurokoa da.

Txanda bakoitzean gehienez hamabost ikasle egongo dira. Udalekuen helburua da gazteak modu praktiko eta dibertigarrian komunikazioaren mundura hurbiltzea, iaz egin zuten moduan. Horretarako, honako gai hauek jorratuko dituzte: kamera aurrean nola jarri, fotokazetaritza, podcastak nola egin, Interneteko sare sozialen kudeaketa... Telebista plato batean zuzeneko podcast bat nola egin ikasiko dute udalekuko parte hartzaileek. Ariketak egiteko, Mondragon Unibertsitateko Aretxabaletako Campuseko baliabideak erabiliko dituzte: telebista platoa, ordenagailuak eta bestelako materialak. Egun batean, bestalde, Goiena taldearen Arrasateko (Gipuzkoa) egoitza bisitatuko dute.

Unai Portilla Mondragon Unibertsitateko irakaslea izango da udalekuen koordinatzailea. «Iaz oso emaitza ona lortu genuen. Parte hartu zuten gazte guztiek nabarmendu zuten oso campus dinamiko, parte hartzaile eta dibertigarria izan zela», azaldu du. Iragarri duenez, komunikatzaile izateko beharrezkoak izan daitezkeen gaitasunak lantzeko aukera izango dute gazteek.

Sakelako telefonoarekin egin daitezkeen irudien grabaketak eta edizio lanak ikasiko dituzte, bide batez. Baita podcastak nola grabatu ere. «Guztia modu dibertigarrian, ezin baitugu ahaztu udaleku batzuk direla, eta gazteak ondo pasatzera doazela».

Komunikazio arloan eskarmentua duten adituak arituko dira master eskolak ematen: Ainhoa Vitoria Gazteako irrati esataria, Alex Padilla sare sozialetan aditu eta Tabakalera kultur zentroko komunikazio teknikaria, eta Xabier Urzelai Goiena taldeko langilea. Urzelai sakelako telefonoekin ekoiztutako ikus-entzunezkoen edukietan aditua da. Horiez gain, Mondragon Unibertsitateko irakasleak arituko dira begirale eta koordinazio lanetan.

Udalekuetan parte hartzeko ez da derrigor Debagoiena eskualdekoa izan behar. Are gehiago, antolatzaileek nabarmendu dute Euskal Herri osora zabaldu nahi dutela campusa. «Mondragon Unibertsitateko Aretxabaletako Ikus-entzunezko campusa erreferentzia da komunikazioan Euskal Herrian, eta, era berean, Goiena taldea erreferentea da tokiko hedabideen artean», esan du Portillak. «Debagoienean gauden arren, edozein euskal herritar euskaldunentzako izan daitezke erakargarriak udalekuak».

Katalunian badago antzeko campus bat, Ara egunkariarena, baina gehiago dago bideratuta kazetaritzara.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manel Vidal, astearteko saioan ©Berria

TV3ek Manel Vidal umorista kaleratu du, PSC svastika batekin lotzeagatik

Urtzi Urkizu

TV3eko zuzendariak Zona Franca saioa egiten duen ekoiztetxearekin batera hartu du erabakia. TV3eko Programetako Kontseilu Profesionalak kaleratzea salatu du, eta aurrekari bat sortu dela kritikatu.

Ylenia Baglietto eta Lander Otaola aktoreak, goizean, Bilboko udaletxean ©Bilboko Udala

Ylenia Baglietto eta Lander Otaola aktoreak izango dira Farolin eta Zaranbolas Bilboko aratusteetan

Amaia Igartua Aristondo

Besteak beste, ETB1eko 'Goenkale' telesailean egin zuen lan Bagliettok, eta 'Vaya Semanita'-n Otaolak. Inauteriak otsailaren 17an hasiko dira, pertsonaion atxiloketarekin eta epaiketarekin, eta 21ean bukatu.

 ©JAIZKI FONTANEDA / FOKU

«Nire lanbidea artearekin lotzen saiatzen nintzen beti»

Unai Etxenausia

Armestok biltegian gordeta zeuzkan lan batzuk aurkeztu ditu Gasteizko Zas Kultur Espazioan. Marrazkiek «pertsonen arteko komunikazioa eta inkomunikazioa» erakusten dute.
 ©ETB

«Beste gauza batzuk probatu nahi ditut»

Urtzi Urkizu

Igandean, Gurrutxagaren agurra izango da ETB1eko 'Herri txiki, Amerika handi' saioan. Zortzi denboraldiren ondoren, beste aurkezle bat arituko da 'Herri txiki, infernu handi'-n.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.