Albistea entzun

'Pasapalabra'-ko azken proba kentzeko zigorra jarri diote Antena3i

Espainiako kate pribatuak esan du 'Gurpila' orain arte bezala emititzen jarraituko duela
Orestes Barbero eta Rafa Castaño <em>Pasapalabra</em> lehiaketako aurkezleak.
Orestes Barbero eta Rafa Castaño Pasapalabra lehiaketako aurkezleak. BERRIA Tamaina handiagoan ikusi

Urtzi Urkizu -

2022ko azaroak 18

Ez dira berriak Pasapalabra lehiaketako azken proba edo Gurpila-ren inguruko afera judizialak, baina ez dira amaituko berehala. Bartzelonako Probintzia Auzitegiak Atresmedia taldea zigortu du, eta Pasapalabra lehiaketako Gurpila proba kentzera behartu. Antena3 kateak (Atresmedia) ematen du saio hori, eta auzitegiak beste zigor bat ere jarri dio komunikazio taldeari: 50.000 euroko kalte ordaina ematea Herbehereetako MC&F enpresari. Izan ere, MC&Fk dio bereak direla Gurpila-ren eskubideak, eta horregatik jarri zuen salaketa auzitegietan.

Antena3ek adierazi du Pasapalabra-ko azken proba lehengo moduan ematen jarraituko duela, behin betiko sententzia atera arte.

Auzia Espainiako Auzitegi Gorenera iritsiko dela argitaratu dute hainbat komunikabidek, eta horrek denboran asko luzatuko du auzia. Beste bi edo hiru urte pasatu daitezke azken epaia iritsi arte, eta, bitartean, litekeena da Antena3ek lehiaketa orain arte bezala ematen jarraitzea. Dena den, MC&F ekoiztxeak kautelazko neurriak hartzeko eskatuko balu, eta auzitegiek onartuko balute, Antena3ek beste erabaki bat hartu beharko luke.

Bartzelonako Probintzia Auzitegiak epaian jaso duenez, Gurpila Reto Luigi Piantak eta Rene Mauricio Loebek sortu zuten, eta, Jabetza Intelektualaren Legeak babestuta, eskubideak MC&F ekoiztetxearenak dira. Atresmediak Erresuma Batuko ITV katearekin akordio bat du lehiaketa emititzeko, baina auzitegiak uste du Herbehereetako ekoiztetxearen eskubideak urratu dituztela. Epaian, halaber, jaso dute zigorraren berri eman behar duela Antena3ek.

Eskubideen aferan atzera joz gero, 2019an, Espainiako Auzitegi Gorenak lehiaketa kentzera behartu zuen Tele5 katea, ITV katearen salaketari arrazoia emanda. Gero, Antena3ek akordio bat lortu zuen ITVrekin, eta horri esker ari da lehiaketa emititzen.

Zabaldu den auzibide berriari dagokionez, Espainiako Auzitegi Gorenak MC&Fri arrazoia ematen badio, lehiaketaren emankizunetan eragina izango du, baina ez bakarrik Espainiako katean, baizik eta herrialde guztietako bertsioetan.

Euskal Herrian ikusle ugari

Pasapalabra lehiaketak jarraitzaile asko ditu Hego Euskal Herrian. Tele5k ematen zuenean, egun askotan izaten zen egunean gehien ikusitako emanaldia Araban, Bizkaian eta Gipuzkoan. Hala da orain ere, Antena3en. 100.00 ikus-entzule baino gehiago bereganatzen dituzten programa bakanetakoa da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Musika ekoizleok artistak ere bagara»

Unai Etxenausia

Musika urbanoa ekoizten hasi zen Denso duela bost urte. Euskal Herrian indarra hartzen ari den generoa dela nabaritzen du. Horregatik, estudio profesional bat irekitzeko apustua egingo du.
Ezkerretik eskuinera, Eider Amundarain Zaldibiako Lardizabal eskolako zuzendaria, Eñaut Agirre eta Zineb el-Ghaouti gurasoak, eta Karmele Perez Huheziko irakaslea. ©ARITZ LOIOLA / FOKU

Eskola denentzat izan dadin

Ane Insausti Barandiaran

Eskolako funtzionamendua euskaraz izan dadin, baina, era berean, edukiak guraso guztiek uler ditzaten, proiektu bat abiarazi dute Zaldibiako eskolan. Guraso euskaldunak eta migratzaileak elkarrekin ari dira baliabideak sortzen. Orain arte egindako bidea aztertu dute, jardunaldi batzuetan.
 ©MARISOL RAMIREZ / @FOKU

«Ipuinetako lizentziak hartu dituzte bertsolariek»

Urtzi Urkizu

Bertsolari Txapelketa Nagusiko ETBko emanaldietan analisiak egiten aritu da Martin, Ilaski Serrano esatariaren alboan. Hala arituko da hilaren 18ko finalean ere, Iruñean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Urtzi Urkizu

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.