Noiz sortua: 2019-09-11 00:30:00

TV3 kateak 5G teknologia erabiliz emango du Diadako manifestazioa

Hamaikak ere Diadaren inguruko zuzeneko saio bat emango du gaur, 17:00etatik 19.00etara
Iazko Diadako manifestazioaren irudi bat, Bartzelonan. Gaur ere kaleak beteko dituzte independentistek.
Iazko Diadako manifestazioaren irudi bat, Bartzelonan. Gaur ere kaleak beteko dituzte independentistek. A. GARCIA / EFE Tamaina handiagoan ikusi

Urtzi Urkizu -

2019ko irailak 11
Katalunian, aurreneko aldiz 5G sarea erabiliko dute gaur zuzeneko telebista emankizun bat egiteko, espazio publiko eta ireki batean. Diadaren manifestazioan izango da emankizun hori, TV3 kate publikoan. Euskal Herrian ez dute halakorik egin orain arte. Katalunian, berriz, Ikus-entzunezko Hedabideen Korporazioak eta Kataluniako Generalitateak bat egin dute saiakera egiteko eta 5Garen aukerak ikus-entzunezko sektorean nolakoak diren probatzeko.

TV3eko lantalde bat Bartzelonako Espainia plazan ibiliko da gaur arratsaldean, eta berriemaile bakoitzak 5Gko telefono inteligente bat izango du. Manifestarien ikuspuntua jasoko dute, eta haien irudiaren konexioa ez dute bide tradizionaletatik egingo, baizik eta Vodafoneren 5G sarearen bitartez. Horrez gain, kamera bat Catalonia Plaza hoteleko logela batean jarriko dute. Kamera hori TV3eko egoitzarekin egongo da konektatuta, Samsung 5G terminal baten bitartez, eta backup-eko zuntz optikoa izango du. TV3en arabera, «paradigma aldaketa» ekarriko du horrek, orain arte emankizunetan zuntz optikoa erabili baitute lehen lotura moduan, eta sare mugikorra bigarren lotura gisa.

TV3 eta 3/24 kateek 16:00etatik 21:00etara emango dute Especial manifestació 11-S saio berezia. Gero, 21:00etan, albistegia iritsiko da, eta Diadan jarriko dute arreta.

Kataluniako kate publikoaren arabera, 5G teknologiaren bidez manifestazio handi bateko irudiak igortzeak kalitatea bermatuko du. «Bideo profesionalerako konexio baterako kalitatea ziurtatua egongo da», iragarri du TV3ek.

4Garen aldean, 5G teknologiak banda zabalera handia ahalbidetzen du, baita datuen transmisioaren abiadura nabarmen bizkortzea ere. Horri esker, aukera berriak sortuko dira zuzeneko emankizunen errealizazioan, edukietan eta beste arlo tekniko eta profesional batzuetan. Izan ere, kazetari batek telefono inteligente bat eta telefonoa egonkortzeko euskarri bat baino ez ditu beharko irudi eta soinu seinalea bidaltzeko. «Horrek mugimendu autonomia handia emango dio kazetariari, eta emanaldia hurbilagoa bihurtuko du», dio TV3ek.

Saio berezia Hamaikan

TV3en ez ezik, Hamaika telebistan ere ikusi ahalko da gaur arratsaldean Bartzelonako manifestazioa. Beñat Zarrabeitiak aurkeztuko du saio berezia, 17:00etatik 19:00etara. Solaskideen artean, besteak beste, Elsa Pamparacuatro analista politikoa eta Gorka Mostajo EGIko kidea egongo dira. TV3eko irudiak emango dituzte.

ETB1eko Ahoz aho saioan ere manifestazioko irudiak eskainiko dituzte. Eli Zunzunegi eta Olatz Simon berriemaileekin batera, Bartzelonan Ander Errasti filosofia politikoko doktorea arituko da analista gisa. Bilbon, EITBko platoan, solaskideak Iñaki Galdos, Galder del Campo eta Itziar Nogueras izango dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Iñigo Urkullu lehendakaria, bideokonferentzia batean. ©Irekia

Iñigo Urkulluk «normaltasunera bueltatzeko plan bat» eskatu du

Berria

Eusko Jaurlaritzako lehendakariak babesa adierazi dio Pedro Sanchez Espainiako Gobernuko presidenteak alarma egoera apirilaren 26ra arte luzatzeko egindako eskaerari. Ekonomiaren jarduera etetean «malgutasunez» jokatu izana eskertu dio.

Nafarroako erietxeko langileak, txalo jotzen, iragan asteazkenean. ©Idoia Zabaleta / Foku

Sanchez aztertzen ari da sintomarik gabeko gaixoak kiroldegietan bakartzea

Berria

Pedro Sanchezek bilera bat egin du autonomia erkidegoetako presidenteekin, eta azpiegituren zerrenda bat eskatu die hilaren 10erako, atzemandako kasu positibo asintomatikoak kokatzeko. Adierazi die milioi bat test banatuko dituela «detekzio goiztiarrerako».

Arnaldo Otegi EH Bilduko koordinatzaile nagusia, artxiboko argazki batean. ©Andoni Canellada / Foku

Otegirentzat, Moncloako Itun berriek «eskubide sozialak eta ekonomikoak urratzea» eragingo lukete

Berria

EH Bilduk astelehenean erabakiko du alarma egoera luzatzeari buruzko jarrera. Dena dela, orain artekoarekin «koherentea» izango dela esan du Arnaldo Otegik. Aurreko aldietan abstentziora jo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna