Kultur gaiek pisu handiagoa izango dute Euskal Irratietako goizetan

Sortzaileei ahotsa eman nahi diete. DJ Bullek musika saio bat egingo du ostiral arratsaldeetan
DJ Bullek kantu bilduma bat emango du ostiraletako bere saioan.
DJ Bullek kantu bilduma bat emango du ostiraletako bere saioan. BERRIA Tamaina handiagoan ikusi

Ainara Arratibel Gascon -

2019ko irailak 27

Berritasunekin ekin diote Euskal Irratiek denboraldi berriari. Oihana Dagerre programazio arduradunak batzuk aletu ditu: «Goizeko magazinean kulturak pisu handiagoa izango du; arratsaldeko magazinak gidari eta izena aldaketa du; eta, ostiraletan, DJ Bullek ordubeteko musika saioa egingo du». Hurbileko informazioari garrantzia emango diote edukietan. «Baina aldi berean ikuspegi nazional bat ere eskaini nahi dugu, Hego eta Ipar Euskal Herriaren artean zubi lana egitea ere baita gure egiteko eta erronketako bat».

Goizeko informazio tartea, Goiz berri, 06:30etik 10:00etara izango da. «Hor gertuko informazioa eta Euskal Herri mailakoa uztartuko ditugu». Lehen hiru ordu laurdenetan tokiko informazioari eskainiko diote tartea, eta herrialde bakoitzak berea jasoko du: «Hor nabarmendu gaitezke gu, eduki propioak sartuz eta eguneroko agendatik apur bat aldenduz. Entzuleek estimatzen dute hori». 07:15etik 08:30era, berriz, Euskal Herri osoan jarriko dute atentzioa. «Hor aktualitateak gehiago baldintzatzen gaitu. Prentsa irakurketa ere egingo dugu». Ondoren, berriro ere, 10:00etara bitarte bertako informazioak hartuko du garrantzia

Horrekin batera, goizeko saioan laborantzari, kirolari eta teknologia berriei lotutako tarteak izango dituzte. «Kasu askotan kolaboratzaileek egiten dituzte, eta gure izaera parte hartzailea kontuan hartuta, denboraldi honetan are pisu handiagoa eman nahi diegu». Besteak beste, Joanes Anduezak teknologia berriei buruzko gaiak landuko ditu, Joxerra Aizpuruak zientziakoak eta Antton Kurrutxarrik historiakoak.

Goizeko saiora kultur gaiak ekarriko dituzte denboraldi honetan. «Orain arte arratsaldean lantzen genituen, Kultur Alea saioan. Baina garrantzitsua iruditzen zitzaigun goizean ere lekua egitea. Ez da kulturari lotutako albisteen kontaketa huts bat egingo duguna, baizik eta sortzaileei ahotsa eman nahi diegu, eta aktualitatea dagoen lekuan egon». Hala, aste honetan kazetari bat dute Donostiako Zinemaldian, egun osoan bertan gertatzen denaren berri emateko: Maia Muruaga. Behin goizeko magazina pasata, entzuleen artean hainbeste arrakasta duen kantu eskariak egiteko tarteari eutsiko diote ordu eta erdiz: 10:00etatik 11:30era.

Arratsaldeko magazinak izena eta gidari berria izango du. Gaur ze berri izango da haren izena (17:00-18:00): «Egunak emandakoaren errepasoa egingo dugu bertan, Arantxa Iriederrekin».

Elkarlana oinarri

Hortik aurrera, gai tematikoei buruzko programen txanda izango da. 19:00etatik 22:00etara entzun daitezke saio horiek, eta horietan ere badira berritasunak. Batetik, ostegunetan, Bertsoaren Lagunak elkartearen eskutik bertsolaritzari buruzko saioa izango da: Punttuka, Xan Alkhatek aurkeztuta (19:00). Ostiralero, berriz, DJ Bullek ordubeteko musika saioa egingo du urritik aurrera, 21:00etan: «Kantu bilduma bat eskainiko du»

Sasoi honetan Euskal Irratiek martxoan egingo diren udal hauteskundeetan jarriko dute arreta. «Guretzat oso hauteskunde garrantzitsuak dira, herritarrentzat hurbilen dauden erakundeak direlako udalak».

Bestalde, zubi lanak egiten jarraitu nahi dute Ipar eta Hego Euskal Herriaren artean. «Hego Euskal Herriko hedabideekin elkarlanean jarraitu nahi dugu, bai kolaborazioen bidez, bai gure edukiak Arrosa sarearen bidez zabalduz. Kolaborazioak Durangoko azokan eta Korrikan egiten ditugu, adibidez. Uste dugu hori dela bidea, eta hor ere gure ekarpena egin dezakegula».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Azkoien izan zen halako neurriak hartu zituzten lehen herria. ©Idoia Zabaleta / Foku

San Adrianen murrizketak ezarriko dituzte, bihar gauerditik aurrera

Joxerra Senar

Beste hiru herritan aurretik egin bezala, mugimendua mugatu egingo da eta saltokietan zein ostatuetan edukiera erdira murriztuko da. Ostatuek 22:00etarako itxi beharko dute.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna