Albistea entzun

Euskal Herriko eta mundu zabaleko istorioak ikusgai Kanalduden

'Hordok' dokumental sailean bost lan jarri dituzte nahieran, eta emanaldiak 19:30ean izango dira
Marinelen kondaira batetik abiatuta sortu du Loic Legrandek <em>Hiru Uhinak</em> filma.
Marinelen kondaira batetik abiatuta sortu du Loic Legrandek Hiru Uhinak filma. BERRIA Tamaina handiagoan ikusi

Olatz Esteban Ezkati -

2021eko uztailak 27

Kanaldude telebistak dokumental eskaintza zabala eskainiko du uda honetan. Irailean, Hordok dokumentalentzako txokoa sortu zuen telebistak «mundua hausnartzera eramaten gaituzten filmak» ikusleen esku jartzeko helburuarekin, norberaren «izpiritu kritikoa» elikatzeko asmoz. Aurretik lan batzuk eskuragarri bazeuden ere, uda sasoirako zabaldu egin dute eskaintza, eta bost dokumental jarri dituzte ikusgai: nahieran edota zuzeneko emankizunean; arratsero, 19:30ean.

Euskal Herriko zein mundu zabaleko istorioak biltzen dituzte bost lanok, bizipenik intimoenetatik kondairetaraino. Euskarazko ekoizpenak dira Herriarekin eta Hiru Uhinak filmak. Besteak, erdaretan sortuak, euskarazko azpidatziekin daude ikusgai.

Ipar Euskal Herrian, 1960ko hamarkadan kokatzen da Herriarekin dokumentala. Jean Pierre Vedel zinemagilearen lanak Herriarekin taldearen bueltan bildu ziren apaizen historia jasotzen du. Apaizok, independentziaren aldeko borrokan arituak, ETAko eta Iparretarrak-eko militanteekin izan zituzten harremanak kontatzen dituzte; izan zuten konpromiso erlijioso eta politiko konplexuaren nondik norakoak.

Marinelen eta sorginen euskal kondaira bat ardatz hartuta, zazpi gazteren ekoizpen prozesua islatu du Loic Legrand zuzendariak Hiru Uhinak lanean. Kondairan sakondu eta film labur bat sortzeko lanetan murgilduko dira, zazpi gazteak hainbat adituren laguntzarekin. Lau hilabeteko proiektua ezagutzeko aukera izango dute ikusleek dokumentalean. Donostia Zinemaldiko Zinemira sailean estreinatu zuten, 2019an.

Mundu zabaleko ahotsak

Parisko langile etxe batean bizi diren etorkinei eman nahi izan die ahotsa Marielle Duclos zinemagileak Raajak itxaropena erran nahi du lanean. Etorkin horien testigantzak biltzen ditu filmak: herriminaz bizi aldaketa erradikalaz eta familiarekiko arduraz.

Familiako historiari tiraka abiatu zuen Argentinarako bidaia Kepa Etxandi Baionako argazkilariak. Euskaldunek herrialde horretan utziriko arrastoen bila murgildu zen gautxoen lurretan, eta Carlos Portella zuzendariak hurbilduko ditu ikusleak bertara Gaucho Basko lanean. Miarritzeko (Lapurdi) Latinoamerikako zinema jaialdian aurkeztu zuten dokumentala iaz.

Beste lan batek Pascalen mundu intimora eramango ditu ikusleak. Margolaria da Pascal, eta haurtzaro latza bizi izandakoa. Margolanak beltzez betetzeko arrazoiak ez zaizkio falta, baina, hala ere, kolorez jazten du mundua. Margolariaren ahotsaren bidez, alderik ilunenen argiak bildu ditu Jean-Louis Chabortek Zaurietan Kolorea dokumentalean.

Irailetik aurrera ere hilero dokumental bat zabaltzeko asmoa agertu du telebistak. Tartean, Itziar Leemans zinemagilearen Boca ciega azken lana. Udazkenean, fikziozko eduki berriak izango dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Odei Domingo, sentsasioetan eragin nahi duen magoa

«Beharrezkoa da magiaren iraganeko klixeetatik bereiztea»

Julen Otaegi Leonet

'Sentsazioak' izeneko ikuskizuna estreinatu berri du Hodei magoak, Donostiako Antzoki Zaharrean. Datorren urtean antzokiz antzoki ibiltzeko lanean dabiltza.

Aaitz Aizpuru, Lorea Agirre eta Miren Dobaran ©Andoni anellada / Foku

Gazteen kezkak, geruza artean argitara

Urtzi Urkizu

Jakin-ek eta Elkarrek Geruzak egitasmoa sortu dute. Ikus-entzunezko dokumentalen bidez, pentsamendu kritikoa sustatu nahi dute. Gazteak elkarrekin hizketan jarri dituzte horretarako.

 ©JAIZKI FONTANEDA / @FOKU

«Afrika erakutsi nahi diot munduari»

Unai Etxenausia

Boli Kostako kartzela batean gertatzen den istorioa kontatzen du Lacotek 'La nuit du rois' filmean. Iaz, Afrikaldia zinema jaialdian epaimahaiaren saria irabazi zuen, eta atzo jaso zuen saria Gasteizen.
Hainbat irrati librek 40 urte baino gehiago daramatzate Euskal Herrian emititzen. ©BERRIA

Ate bat zabaldu da Hegoaldeko irrati libreak legeztatzeko

Urtzi Urkizu

Espainiako legedi berriaren arabera, irrati libre eta komunitarioek azken bost urteetan etenik gabe emititu izana egiaztatu beharko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...