Albistea entzun

Cuixarten eta Sanchezen abokatuek froga gisa erabiliko dute '20-S' lana

Dokumentalak %33,7ko ikusle kuota izan du Katalunian, 'Sense ficció'-ren datu onenetan bigarrena
Jordi Cuixart eta Jordi Sanchez Mediaproren <em>20-S</em> dokumentaleko irudi batean, iazko irailaren 20an.
Jordi Cuixart eta Jordi Sanchez Mediaproren 20-S dokumentaleko irudi batean, iazko irailaren 20an. TV3 Tamaina handiagoan ikusi

Urtzi Urkizu -

2018ko ekainak 30

Jaume Rouresek ekoitzi eta zuzendutako 20-S dokumentala estreinatu zuen TV3 kateak ostegun gauean. Iaz irailaren 20an Bartzelonan izaniko gertakariak islatzen dira bertan: Guardia Zibilak hamabost lagun atxilotu zituen, Generalitateko goi kargudunak tartean, eta mobilizazio masiboak izan ziren Ekonomia Kontseilaritzaren aurrean. 20-S lanak eragina izan dezake epaitegietan, Rouresek iragarri baitu Jordi Sanchezen eta Jordi Cuixarten abokatuek froga gisa erabil dezaketela. Izan ere, irudietan argi ageri da Sanchez eta Cuixart protestan zegoen jendea lasaitzen aritu zirela, eta indarkeriarik ez erabiltzeko eskatu zietela. Bitartekari lanetan aritu ziren Guardia Zibilarekin, eta haiek ezeztatu zuten gauean protesta deialdia. Espainiako Auzitegi Goreneko epaile Pablo Llarenak matxinada delitua egotzi zien Omniumeko eta ANCko bi ordezkariei, eta kartzelan dira urriaren 16tik.

Oihartzun oso handia izan du lanak: Katalunian 982.000 lagunek ikusi zuten telebista bidez, %33,7ko ikusle kuota. Hori da Sense ficció saioak inoiz lortu duen daturik onenetan bigarrena; orain arteko daturik onenak 1-O lanak izan ditu. Urtarrilaren 9an eman zuten, eta %34,4ko ikusle kuota bereganatu zuen.

Telebistaz estreinatu ostean, Interneten milaka pertsona ari dira 20-S lana ikusten. TV3en webgunean dago ikusgai Herrialde Katalanetan, Hego Euskal Herrian, Galizian eta Espainian, uztailaren 8ra arte.

Sare sozialetan ere sekulako oihartzuna izan du dokumentalak: #20STV3 traola trending topic izan zen ostegunean; egun osoan 121.400 mezu izan zituen Twitterren, eta 9,7 milioi ikustaldi.

Lanaren hasierako kredituetan, egileek nabarmendu dute gertakarien inguruko iritzi guztiak jasotzen saiatu zirela. Batzuen eta besteen ezetza edo erantzunik eza izan zuten: Soraya Saenz de Santamaria Espainiako Gobernuko presidenteorde ohia, Enric Millo Espainiako Gobernuaren Kataluniako ordezkaria, Juan Ignacio Zoido Espainiako Barne ministro ohia, Daniel Baena Guardia Zibilaren polizia judizialeko Kataluniako burua, eta Mariano Martinez Guardia Zibileko koronela. Era berean, ez zuten baimenik lortu Cuixart eta Sanchez elkarrizketatzeko.

Elkarrizketatuen artean daude irailaren 20a gertutik bizi izan zuten pertsonak —tartean, Lluis Llach—. Jose Luis Trapero mossoen buruak auzitegian egun hartako gertakariez egindako deklarazioek pisu nabarmena dute. Joaquin Urias Espainiako Auzitegi Konstituzionaleko letradun ohiak esaten du egun hartan ez zela matxinada bortitzik egon herritarren aldetik, baina indarkeria eragiteko probokazio nahia egon zela Poliziaren aldetik. Dozenaka polizia nazional joan ziren CUPen egoitzara, epailearen agindurik gabe, eta baketsu erantzun zuten han zirenek. David Fernandezen hitz iradokitzaile batzuekin bukatzen da lana.

Dokumentaleko kredituetan, Euskal Herriko bi profesional ageri dira: Xuban Intxausti, kameralari gisa, eta Asier Lasa, grafismo eta efektu berezietan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.
Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...