Albistea entzun

'Ene, zelako gaua!' eta 'Sorgina' websailak estreinatu dituzte Bilbon

Telefonoekin grabatu dute 'Sorgina'. Plano sekuentziak dira 'Ene zelako gaua'-ren hamar atalak
<em>Ene, zelako gaua!</em> websailaren aurkezpena, atzo, Bilborock aretoan.
Ene, zelako gaua! websailaren aurkezpena, atzo, Bilborock aretoan. MARISOL RAMIREZ / FOKU Tamaina handiagoan ikusi

Urtzi Urkizu -

2022ko urriak 19

Sakelako telefonoekin grabatua eta sakelakoan ikusteko beldurrezko websaila da Sorgina. Ene zelako gaua!-k, berriz, antzerkia eta Alfred Hitchcocken intriga uztartzen ditu. Euskarazko bi fikzioak atzo arratsaldean estreinatu zituzten, Bilbon, Seriesland nazioarteko jaialdian. Bilborock aretoan izan ziren bi fikzioetako sortzaileak eta aktoreak, eta ikus-entzuleek lehen aldiz gozatu ahal izan zuten websail berriez.

Mozorro jai batean girotua dago Ene zelako gaua!. Hilotz bat izozkailuan ezkutatuta dago, eta horrek askotariko egoerak sorraraziko ditu. A Film To Kill For Bizkaiko ekoiztetxearenak dira bi websailak: sortzaile eta ekoizleak Rose of Dolls eta Oliver Mend dira. Rose of Dollsek gogora ekarri du websaila egun bakar batean grabatu zutela: «Atal bakoitza plano sekuentzia bat da, eta eszena batzuk Hitchcocken intrigazko klasikoetan inspiratuta daude. Badago ikusleak dakien zerbait, baina pertsonaietako batek ez dakiena». Izozkailuan ezkutatuta dagoen hilotza deskubrituko duten ala ez, hor dago misterio nagusietako bat. «Aktoreen lan bikainari esker egin ahal izan genuen modu horretan». Aktoreen artean Iñaki Torralbo eta Iker Zarate daude.

Sorgina websailean, Maialen neska protagonistak kazetaritza ikasketak amaitu berri ditu. Iragarki bati erantzungo dio: euskal mitologiari buruzko dokumental batean egin beharko du lan. Dokumentalaren arduraduna Koldo da, sorginak eta euskal mitologiako kondairak benetakoak direla sinesten duen gazte bat. Maialen, laster konturatuko da Koldok berarekin obsesio arriskutsua duela. Fikzioak Found footage teknika erabiltzen du: testuingurutik kanpo ateratako materiala aurkeztean datza —The Blair Witch Project filma, kasurako—.

Sorgina-ren atal bakoitza 5-7 minutu artekoa da. Rose of Dolls ekoizleak nabarmendu du «erronka handia» izan zela fikzio osoa sakelako telefonoekin grabatzea. «Formatu bertikalean koadratzea guztiz desberdina da, zinemaren historian egin izan ohi denaren aldean oso bestelakoa». Hala ere, formatu horretan grabatzeak bat egiten du istorioarekin: «Narratiba bertikala primeran zihoakion beldurrezko dokumentalaren istorioari». Aktore protagonista Sofia Zallio da.

Ostiralean, sari banaketa

A Film To Kill For ekoiztetxeak, bestetik, Her name is body websailaren trailerra aurkeztu du. Fikzio hori Alemaniako Dobago Films ekoiztetxearekin batera egiten ari dira, eta emakumeen salerosketaren ingurukoa da. Alemaniako Hesse estatuan ari dira filmatzen.

Sorgina eta Ene, zelako gaua! ez dira aurtengo Serieslandeko euskarazko fikzio bakarrak. Sail Ofizialean aurreneko aldiz euskarazko lan bat lehian da: Daniel /a/ —Gaztearen Youtubeko kanalean ikus daiteke osorik—. Sari nagusirako ez ezik, hautagaia da kategoria hauetan: dramarik onena, zuzendaririk onena, taldeko aktore emakume onena eta taldeko gizonezko aktore onena. Sariak ostiralean banatuko dituzte, Guggenheim museoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mirari Martiarena eta Idoia Torregarai ©Gorka Ruio / Foku

Martiarena eta Torregarai ‘Harpa jotzen’ ibiliko dira podcast batean

Urtzi Urkizu

EITBk astelehenean estreinatuko du umorezko podcasta. Zortzi atal izango dira, eta bakoitzean gonbidatu batekin gai zehatz baten inguruan mintzatuko dira.

 ©MARISOL RAMIREZ / FOKU

«Surfaren klixeak desegitea oso zaila da»

Enekoitz Telleria Sarriegi

Lopez de Gereñuk bere pasioetako bi uztartu ditu aurreneko aldiz: artea eta surfa. 'Surf Like You Are, Live Like You Surf' erakusketa jarri du Bilboko Itsasmuseumen. Erretratuak paperezko poltsetan egiten ditu.
Aleix Garrido dronearekin grabatzen. ©ALEIX GARRIDO

Hegan egitearen antzekoena?

Unai Etxenausia

Oraindik ere gerretan erabiltzen dira, baina oso bestelakoa da jende askok droneari ematen dion erabilera. Aisialdirako jarduera bat izateaz gain, eguneroko lanaren parte bihurtu da askorentzat. Legedia zorroztu da, eta baimen bereziak eskuratu behar dira arazo barik gidatu ahal izateko.

Toni Collette aktorea, <em>The Power</em> telesailaren irudi batean. Sari nagusia irabazteko hautagaietako bat da Lillen. ©AMAZON

Series Mania jaialdiko edukiak Iparraldean ikusgai, sarean

Urtzi Urkizu

Lillera joan gabe, lehian diren telesailak ikusi ahalko dira plataforma batean. Martxoaren 17tik 24ra egingo dute nazioarteko jaialdia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.