Albistea entzun

Mende laurden bat zientziaren dibulgazioa uhinetan barreiatzen

Euskadi Irratiko 'Norteko ferrokarrila' saioak 25 urte bete ditu, eta atal berezia egingo dute etzi
Guillermo Roak hamazazpi urte daramatza <em>Norteko ferrokarrila</em> zientzia saioa aurkezten.
Guillermo Roak hamazazpi urte daramatza Norteko ferrokarrila zientzia saioa aurkezten. JON URBE / FOKU Tamaina handiagoan ikusi

Urtzi Urkizu -

2021eko azaroak 10 - Donostia

Irratigintzan ez da ohikoa gaikako saio batek hainbeste urtez irautea, baina Elhuyar fundazioak ekoizten duen Norteko ferrokarrila zientzia saioak 25 urte bete ditu dagoeneko. Ostiralean emankizun berezia egingo dute. Ohiko moduan, Euskadi Irratian entzun ahalko da, 21:05etik 22:00etara. EITBren webgunean ere bai.

Guillermo Roa saioko esatariak nabarmendu du zientzia dibulgazioa egitea oinarrizkoa dela edozein komunikabidetan. «Publikoetan, are gehiago. Euskadi Irratiak erraztasun guztiak jarri dizkio beti Elhuyarri. Dirudienez, gustatu zaie programa egiteko gure modua eta gure planteamendua».

Pili Kaltzada izan zen lehen esataria, 1996an saioa sortu zutenean. Hiru urte geroago, Teknopolis aurkezten ere hasi zen Kaltzada. Beste bi esatari aritu ziren gero: Lourdes Ansa eta Oier Araolaza. 2003an, Araolazak Elhuyar uztea erabaki zuen, eta taldeko zientzialariei esan zien irratsaioa egiteko gai izango liratekeela. Nagore Rementeriak eta Roak altxatu zuten eskua, eta 2004ko irailean hartu zuten programaren gidaritza, Araolazaren formazioa jaso eta gero. Rementeria Teknopolis ETBko saiora pasatu zen gero —zuzendaria da egun—. Eta Roa Norteko ferrokarrila-ren makinista gisa gelditu zen. Hala jarraitzen du gaur egun.

Hamazazpi urte ez zaizkio alferrik pasatu Roari: «Urte hauetan sortu ditut nire ohiturak, nire lan egiteko modua. Euskadi Irratian ikasi dut irratia nola egin». Irratiko zenbait esatarik asko lagundu diotela nabarmendu du. Teknikariek ere bai: «Joseba Arzelusek, Mikel Olazabalek eta Igor Martinez de Lezeak asko lagundu didate. Ez dira ikusten, baina proposamen ugari egin izan dizkidate. Teknikariak ezinbestekoak izan dira Norteko ferrokarrila-rentzat».

Zientzia saioaren gidariak, halaber, azaldu du irratian ezin dutela emankizun akademiko bat egin: «Bere alde ludikoa badu saioak. Umoreak eta anekdotarioak egon behar dute». Azkeneko asteetan, pozoiei buruzko atal bat egiten ari dira, Agatha Christieren eleberrietan oinarrituta.

Ostiralean, berriz, zientziarekin zerikusirik ez duten bi pertsona elkarrizketatuko ditu Roak. Behin Bernardo Atxaga elkarrizketatu zuen: «Oso ondo joan zen. Ez nago zientziatik kanpo jendea elkarrizketatzera ohituta, dena den». Glasgowko COP26 klima larrialdiari buruzko goi bileraz ere mintzatuko dira. «Agian ez da unerik onena ondorio osoak jasotzeko. Kontuan izan behar da paraleloan klima aldaketaren zientzia ikerketa dagoela».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gaizka Izagirre, Beñat Rodriguez eta Rakel Arenaza 'Raitx'. ©Andoni Cellada / Foku

Beste 100 kanta marraztu ditu Olrait Studiok

Urtzi Urkizu

Kantu eskukadak II liburua argitaratu dute Gaztezulo aldizkariak eta Olrait Estudiok. Badok-ek ere babestu du proiektua, playlista sortuz.

Larra-Belagua eski estazioa ©Larra-Belagua

Iritsi da eski denboraldia

Isabel Jaurena

Larra-Belagua eta Arette eski estazioak bisitariak hartzeko prest egonen dira bihartik aurrera.

Mahai inguruko partaideak, atzo, EHUren Leioako campusean. ©MONIKA DEL VALLE / FOKU

Euskararen xehetasunak

Amaia Igartua Aristondo

EHUko irakasleak dira, atzerritarrak, eta helduaroan euskaldunduak, lanagatik besteak beste. Euskara ikastearen esperientzia xehatu dute EHUk antolatutako solasaldi batean.
Joseba Ezkurdia eta Jokin Altuna, Lau eta Erdiko Txapelketako finalean, azaroaren 20an. ©ARITZ LOIOLA / FOKU

ETB2k %7,7ko ikusle kuota izan du azaroan, 2019ko udatik txikiena

Urtzi Urkizu

ETB1ek %1,9ko batezbestekoa du; lau eta erdiko finalak %24,5eko ikusle kuota lortu zuen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.