Albistea entzun

Filminek ekoitzitako lehen telesaila estreinatuko dute

Carlo Padialen nobelan oinarritutako 'Doctor Portuondo' lana emango dute gaur Atlantida jaialdian. Udazkenean iritsiko da plataformara
Portuondo doktorea eta bere pazientea, terapia saio batean.
Portuondo doktorea eta bere pazientea, terapia saio batean. BERRIA Tamaina handiagoan ikusi

Olatz Esteban Ezkati -

2021eko uztailak 28

Filmin streaming plataformak beste jauzi bat eman du. Filmak eta telesailak eskaintzen dituen plataforma digitalak berezko lehen lana ekoitzi du aurten: Doctor Portuondo telesaila. Gaur izango da lehen bi atalen estreinaldia, Palmako (Herrialde Katalanak) Atlantida zinema jaialdian.

Atlantida jaialdia aurrez aurrekoa eta digitala izango da, eta Filminen bitartez ikus daitezke han estreinaturiko lanak. Doctor Portuondo, berriz, zinema aretoan soilik emango dute. Etxeko ikusleek udazkenera arte itxaron beharko dute lan berriaz gozatzeko.

Carlo Padial idazlearen izen bereko nobelaren moldaketa da telesaila, eta Padial bera aritu da zuzendari lanetan. Jorge Perugorria eta Nacho Sanchez aktoreak izango ditu protagonista sei atalez osaturiko lan berriak. Portuondo doktorearen azalean sartuko da Perugorria: psikoanalista kubatar xelebre bat da hura, eta Sanchezek gorpuzturiko pazinte gazte baten arazo emozionalak arintzeko ahaleginetan ibiliko da. Berezko bizipenetatik abiatuta idatzi zuen nobelaren umorea mantentzen ahalegindu da Padial telesailean ere, alter egoa duen pazientearen eta doktorearen arteko harremanaren bitartez.

«Geure burua eta ingurukoak ulertzen» lagunduko duen lan bat sortu nahi izan du Padial zuzendariak, betiere umorea ardatz hartuta. Psikologo baten besaulkian eseraraziko ditu ikusleak etxetik mugitu gabe: «Guztiok behar dugu terapia, eta telesail hau aukera paregabea da une batez bada ere egiteko».

Ate berri bat zabaldu du

Roca del Valles (Herrialde Katalanak) herrian dago girotuta telesaila, eta udaberrian aritu ziren han grabaketak egiten. Filminek jakinarazi duenez, hainbat aktoreko lan taldeak hartu du parte ekoizpenean. Berto Romero eta Judith Marti umoristak, eta Arturo Valls, Elisabeth Casanovas, Olivia Delcan eta David Pareja ikusi ahal izango dira, besteak beste.

Doctor Portuondo «mugarri berri bat» izan da plataformarentzat, ateak ireki baitizkio berezko ekoizpenari. Filmin Original zigilupean ekoitzi dute telesaila, eta horixe bera izango da aurrerantzean egingo dituzten lanen marka ere. Izan ere, plataformak adierazi du telesailaren ekoizpenak berretsi egiten duela Filminek «eskaintza oso eta berezigarri bat» izateko duen borondatea. Ikusteko dago datozen hilabeteetan zein bide egingo duen, baina, oraingoz, urrirako espero dute telesailaren estreinaldi ofiziala.

Prentsarentzako emanaldi berezia izango dute gaur Atlantida jaialdian. Aurkezpenean parte hartuko dute zuzendariak, Carlos de Diego gidoilariak, eta Jorge Perugorria, Nacho Sanchez eta Berto Romero aktoreek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Odei Domingo, sentsasioetan eragin nahi duen magoa

«Beharrezkoa da magiaren iraganeko klixeetatik bereiztea»

Julen Otaegi Leonet

'Sentsazioak' izeneko ikuskizuna estreinatu berri du Hodei magoak, Donostiako Antzoki Zaharrean. Datorren urtean antzokiz antzoki ibiltzeko lanean dabiltza.

Aaitz Aizpuru, Lorea Agirre eta Miren Dobaran ©Andoni anellada / Foku

Gazteen kezkak, geruza artean argitara

Urtzi Urkizu

Jakin-ek eta Elkarrek Geruzak egitasmoa sortu dute. Ikus-entzunezko dokumentalen bidez, pentsamendu kritikoa sustatu nahi dute. Gazteak elkarrekin hizketan jarri dituzte horretarako.

 ©JAIZKI FONTANEDA / @FOKU

«Afrika erakutsi nahi diot munduari»

Unai Etxenausia

Boli Kostako kartzela batean gertatzen den istorioa kontatzen du Lacotek 'La nuit du rois' filmean. Iaz, Afrikaldia zinema jaialdian epaimahaiaren saria irabazi zuen, eta atzo jaso zuen saria Gasteizen.
Hainbat irrati librek 40 urte baino gehiago daramatzate Euskal Herrian emititzen. ©BERRIA

Ate bat zabaldu da Hegoaldeko irrati libreak legeztatzeko

Urtzi Urkizu

Espainiako legedi berriaren arabera, irrati libre eta komunitarioek azken bost urteetan etenik gabe emititu izana egiaztatu beharko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...