Noiz sortua: 2019-04-16 00:30:00

Eztabaiden jokoa martxan da

ETB1 eta La1 kateetan Espainiako Gorteetarako bozen eztabaidak emango dituzte gaur
Saioa Martijak aurkeztuko du gaur gauean hauteskundeetako eztabaida ETB1en.
Saioa Martijak aurkeztuko du gaur gauean hauteskundeetako eztabaida ETB1en. ETB Tamaina handiagoan ikusi

Urtzi Urkizu -

2019ko apirilak 16

Hilaren 28an egingo dituzte Espainiako Gorteetarako hauteskundeak, eta datozen egunetan telebista eta irrati kateek hainbat eztabaida eta elkarrizketa emango dituzte. Gaur gauean, ETB1en eta TVEn hauteskunde eztabaidak izango dira ikusgai.

Euskarazko katean, 22:30ean, honako hautagai hauek arituko dira eztabaidan: Joseba Agirretxea (EAJ), Mertxe Aizpurua (EH Bildu), Roberto Uriarte (Elkarrekin Ahal Dugu), Maria Luisa Garcia Gurrutxaga (PSE) eta Laura Garrido (PP). Moderatzailea Saioa Martija kazetaria izango da —astearte gauetan Ahoz aho+ saioa aurkezten du—.

La1 eta Canal24 Horas kateetan 22:05ean hasiko da eztabaida. Aurkezlea Xabier Fortes izango da, eta hautagaiak, hauek: Maria Jesus Montero (PSOE), Ines Arrimadas (Ciudadanos), Irene Montero (Unidas Podemos), Cayetana Alvarez de Toledo (PP), Gabriel Rufian (ERC) eta Aitor Esteban (EAJ). Esteban bera gaur ETB1en elkarrizketatuko dute 14:45ean, eta ETB2n 11:30ean. PSOEren hautagai Pedro Sanchezek iragarri du ez duela parte hartuko RTVEko eztabaidetan. Voxek ezingo du TVEko eztabaidetara joan, Espainiako Kongresuan aurreko bozetan ez zuelako ordezkaritzarik lortu.

Voxeko hautagai Santiago Abascalek, ordea, Atresmedia taldeak antolatu duen eztabaidan parte hartzeko aukera izango du, hilaren 23an. Abascalekin batera, eztabaida horretan Pedro Sanchez (PSOE), Pablo Casado (PP), Pablo Iglesias (Unidas Podemos) eta Albert Rivera (Ciudadanos) hautagaiak arituko dira. Zutik eztabaidatuko dute, bakoitza atril baten aurrean, eta moderatzaileak Vicente Valles eta Ana Pastor kazetariak izango dira. Antena3en eta La Sextan emango dute aldi berean.

JxCat taldeak hauteskunde batzordeari eskatu dio Atresmediako eztabaidaren emisioa geldiarazteko, «ez dituelako pluralismo eta berdintasun oinarriak errespetatzen» eta «ezin delako eztabaida hori egin ez badira gonbidatzen aurretik ordezkaritza lortu zuten alderdiak». Eztabaida emango balute, gonbidatu gabeko alderdiak Atresmedian beste espazio batekin konpentsatu beharko liratekeela uste du Carles Puigdemonten alderdiak.

Euskadi Irratian, 26an

EITBk, era berean, datorren astean egingo ditu hauteskunde kanpainako beste lau eztabaidak: Radio Vitoriakoa hilaren 23an izango da, 12:00etan (Maritxu Diezek aurkeztuko du); Radio Euskadikoa hilaren 24an, 09:00etan (Dani Alvarez izango da aurkezlea); ETB2koa hilaren 25ean, 22:30ean (Xabier Garcia Ramsdenek aurkeztuko du); eta Euskadi Irratikoa hilaren 26an, 09:00etan (Maite Artolak gidatuta).

Eztabaida horietan ez dute parte hartuko Ciudadanoseko eta Voxeko hautagiek. ETB2ko eztabaidan honako hautagai hauek hartuko dute parte: Pilar Garrido (Elkarrekin Ahal Dugu), Aitor Esteban (EAJ), Oskar Matute (EH Bildu), Patxi Lopez (PSE) eta Javier Maroto ( PP).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Koronabirusak gutxienez 380.000 pertsona hil ditu munduan

Berria

Johns Hopkins Unibertsitateak jasotako datuen arabera, 380.250 dira dagoeneko izurriak hildakoak, eta ia 6,4 milioi kasu baieztatu dituzte planeta osoan.

Emakume bat kafea hartzen, Gasteizko Foru plazako harmailetan. ©D. AGUILAR / EFE

Espainiak ez du onartu Euskal Herri osoan ibili ahal izatea

Gotzon Hermosilla

Jaurlaritzak eskaera hori egin zien Espainiako eta Frantziako gobernuei. Araban, Bizkaian eta Gipuzkoan aukera egongo da herrialde batetik bestera joateko, hirugarren fasera igaroz gero

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna