Albistea entzun

Eusko Legebiltzarrak Madrili eskatu dio ekoizlearen definizioa aldatzeko

Espainiako Ikus-entzunezkoen Lege berriaren definizioak mesede egiten die telebista talde handiei
Atzoko osoko bilkuran onartu zuten EAJk eta PSE-EEk aurkeztutako zuzenketa.
Atzoko osoko bilkuran onartu zuten EAJk eta PSE-EEk aurkeztutako zuzenketa. EUSKO LEGEBILTZARRA Tamaina handiagoan ikusi

Urtzi Urkizu -

2022ko urriak 7

Espainiako Ikus-entzunezkoen Lege Orokor berrian, azken orduko aldaketa batek sektoreko ekoizle independente guztiak jarri zituen aurka, artikulu batean ekoizleen definizioak komunikazio talde handienei egiten dielako mesede. PSOEk eta EAJk lege haren alde bozkatu zuten, ekainean. Atzo, berriz, Eusko Legebiltzarrean osoko zuzenketa bat aurkeztu zuten —beste taldeen abstentzioarekin onartu zen—, artikulu hori egokitzeko eskatuz eta ikus-entzunezko ekoizle independenteen alde eginez. Honela dio onartutako testuak: «Legebiltzarrak eskatzen die eskumena duten erakunde guztiei ikus-entzunezko produkzio independentea laguntzeko, eta Espainiako Gobernuari produktore independenteei benetan dagokien definizioa aitortzeko, horretarako beharrezko diren lege aldaketak eta egokitzapenak eginez».

EH Bilduko legebiltzarkide Jasone Agirrek adierazi zuen EAJk eta PSOEk onartutako legearen arabera plataforma eta konpainia handiekin lotutako produktoreak independentetzat hartuko direla. «Horren ondorioz, Europako eta Espainiako finantzaketa guztia Mediaset eta Atresmedia duopolioaren esku geratuko da». Lege horrekin, finantzaketa konpainia handien esku geratzen baldin bada, Agirrek uste du gero eta zailagoa izango dela euskal produktoreek euskarazko produktuak ekoiztea.

Agirrek «seriotasun falta» leporatu zien EAJri eta PSEri: «Ez da serioa EAJk eta PSEk orain eskatzea Madrilen onartu berri duten ikus-entzunezkoen legea zuzentzeko».

PSE-EEko legebiltzarkide Ekain Ricok nabarmendu zuen Espainiako Kongresuan onartutako legea «elkarrizketa askoren fruitu» izan zela, eta gauza on ugari dituela. «Ez da gobernurik egon ikus-entzunezkoei gehiago lagundu dienik Pedro Sanchez presidentearen gobernua baino». Ordezkari sozialistak iragarri zuen aldaketak iritsi daitezkeela ekoizle independenteen definizioan: «Miquel Iceta Kultura ministroak konpromisoa hartu du ekoiztetxe independente bat zer den hobeto definitzeko».

EAJko legebiltzarkide Joseba Diezen arabera, lege berriak dakarren definizioa ez doa bat Europako zuzentarauarekin.

Albistegien pribatizazioa

Legebiltzarreko atzoko eztabaidan, EH Bilduk salatu zuen lege berriak EITBren informazio zerbitzuak pribatizatzeko aukera ematen duela. «ETBk aspalditik dauzka pribatitzatuta egunerokoak ez diren albistegi eta informazio saio asko, baina, lege berriarekin, eguneroko albistegiak ere pribatizatu eta saldu egin litezke».

EAJko Diezek erantzun zuen pribatizatzeko arriskua ez dela benetakoa. «Garrantzitsuena da mekanismoak eta bermeak daudela EITB publiko mantentzeko».

Elkarrekin Podemoseko Gustavo Anguloren arabera, ordea, legearen 72. artikuluak atea irekitzen dio eguneroko informazio zerbitzuak pribatitzatzeari. «Gainera, legeak ez du definitzen zer den zerbitzu publikoa».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gaizka Izagirre eta Beñat Rodriguez ©'Gaztezulo'

Beste 100 kanta marraztu ditu Olrait Studiok

Urtzi Urkizu

Kantu eskukadak II liburua argitaratu dute Gaztezulo aldizkariak eta Olrait Estudiok. Badok-ek ere babestu du proiektua, playlista sortuz.

Larra-Belagua eski estazioa ©Larra-Belagua

Iritsi da eski denboraldia

Isabel Jaurena

Larra-Belagua eta Arette eski estazioak bisitariak hartzeko prest egonen dira bihartik aurrera.

Mahai inguruko partaideak, atzo, EHUren Leioako campusean. ©MONIKA DEL VALLE / FOKU

Euskararen xehetasunak

Amaia Igartua Aristondo

EHUko irakasleak dira, atzerritarrak, eta helduaroan euskaldunduak, lanagatik besteak beste. Euskara ikastearen esperientzia xehatu dute EHUk antolatutako solasaldi batean.
Joseba Ezkurdia eta Jokin Altuna, Lau eta Erdiko Txapelketako finalean, azaroaren 20an. ©ARITZ LOIOLA / FOKU

ETB2k %7,7ko ikusle kuota izan du azaroan, 2019ko udatik txikiena

Urtzi Urkizu

ETB1ek %1,9ko batezbestekoa du; lau eta erdiko finalak %24,5eko ikusle kuota lortu zuen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.