Albistea entzun

Kataluniako gazteen %90,7k plataformak ikusten dituzte

Generalitatearen inkesta baten arabera, lau herritarretik hiruk gustura ikusiko lituzkete plataformetako edukiak katalanez
Netflixek katalanez estreinatuko du <em>The Mitchells vs. The Machines</em> filma.
Netflixek katalanez estreinatuko du The Mitchells vs. The Machines filma. NETFLIX Tamaina handiagoan ikusi

Urtzi Urkizu -

2021eko apirilak 9

Kataluniako hamar herritarretik seik filmak edo telesailak ikusi dituzte streaming plataformetan azkeneko urtean. Gazteen artean, datua are handiagoa da: 16 eta 29 artekoen artean, %90,7k ikusi dituzte fikziozko edukiak streaming plataformetan. Eta plataformen artean, Netflix da burua, alde handiarekin: herritarren %79,8k aipatzen dute Netflix; %34k, Amazon Prime Video; %29,5ek, Movistar Plus; %20,5ek, HBO; eta %9,8k, Disney Plus. Kataluniako Generalitateko Hizkuntz Politikarako Sailak egindako inkesta baten datuak dira.

Plataformen zaleak, edonola, ez dira soilik gazteak; 45 eta 59 arteko Kataluniako herritarren artean, %62k kontsumitu dituzte filmak edo telesailak plataformetan azkeneko urtean.

Ikus-entzunezko sektoreko zenbait eragilek eta katalanaren alde lanean ari diren mugimenduek kezka azaldu dute azkeneko hilabeteetan plataforma horietan eskasa delako katalanezko edukien kopurua —Filmin.cat da salbuespena: milaka pelikula ditu katalanez—. Generalitateko inkestaren arabera, lau herritarretik hiruk gustura ikusiko lituzkete katalanera bikoiztutako edukiak plataformetan. Jatorrizko bertsioan filmak edo telesailak ikusterako orduan ere, lautik hiruk gustura kontsumituko lituzkete eduki horiek katalanezko azpidatziekin. Halaber, herritarren %80k nahiko lukete streaming bidezko plataformek katalanez konfiguratzeko aukera eskaintzea.

Euskal Herrian eta beste herrialde askotan bezala, ikus-entzunezko edukien kontsumoak gora egin du Katalunian. Eta ikusitako fikzioan, azkeneko urtean herritarren %92k ikusi dituzte filmak edo telesailak gaztelaniaz. %52 dira, berriz, azkeneko urtean filmak edo telesailak katalanez ikusi dituztenak. Azken kopuru horietan ez da zehazten non ikusi diren edukiak.

Netflixen film bat katalanez

Netflixek katalanezko telesail eta film bakan batzuk ditu katalogoan. Hilaren 30ean, ordea, aurreneko aldiz plataformaren film original bat katalanera bikoiztuta estreinatuko du: The Mitchells vs. The Machines. Marrazki bizidunen film bat da, familia osoari zuzendua; makina bat hizkuntzara bikoiztu dute, tartean katalanera. Katalanezko azpidatziekin ere egongo da eskuragarri harpidedunentzat. Ez, ordea, euskaraz.

Netflixen euskarazko audioarekin ikus daitezke Handia, Errementari, Akelarre eta Black is beltza filmak, baina ez dago telesailik euskaraz ikusgai. Ezta Amazon Prime Videon, HBOn eta Disney Plusen ere. Hondar ahoak Filminera iritsi da asteon.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Gasteizko hainbat gaztek parte hartu zuten atzo erronkan. ©ENDIKA PORTILLO / FOKU

Jolas bat tokiko saltokien alde

Edurne Begiristain

'Googaz 3.0' egitasmoak eta Gasteizko Udalak ihes gela antzeko bat antolatu dute Gasteizen, bertako merkataritza gazteen artean sustatzeko. Hogei taldek parte hartu dute.
 ©JON URBE / FOKU

«Kirola, Euskal Herria eta ofizialtasuna; hiru gai horiekin, amaierara arte»

Jon Ander De la Hoz

Martxel Toledo pilotaren mundutik igaro zen euskal selekzioen ofizialtasunaren alde engaiatzera. Egun, lehen lerrotik aldenduta dago, baina aldarrikapenari eusten dietenak sostengatzen segitzen du oiartzuarrak: «Behar banaute, prest izango naiz».
Hamasei eragileren babesarekin egin zuen atzo agerraldia Netflix Euskaraz taldeak, Durangon (Bizkaia). ©E. PORTILLO / FOKU

Netflix Euskaraz herritar taldeak euskalgintzaren babesa jaso du

Urtzi Urkizu

Netflixi euskarazko edukiak eskatzeko, 10.500 sinadura bildu dituzte. Jarraitu egingo dute sinadura biltzen: 20.000 lortzea da xedea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna