Albistea entzun

FRANTZIAN EI-RI. LOTUTAKO ERASOAK

Berria -

2016ko uztailak 16

2014

Abenduaren 20a. Gizonezko batek hiru polizia sastakatu zituen Joue-les-Toursen. Hil egin zuten.

Abenduaren 21a. «Ala handia da» oihukatu, eta hamahiru lagun harrapatu zituzten autoarekin, Dijonen.

Abenduaren 22a. Naoneden hamar lagun harrapatu zituzten autoarekin —bat hil zen biharamunean—. «Ala handia da» oihu egin zuen gidariak.

2015

Urtarrilaren 7a eta 9a. Charlie Hebdo kazetaren kontrako erasoarekin hasi, supermerkatu baten aurkakoarekin jarraitu, eta guztira hamazazpi lagun hil eta beste 22 zauritu zituzten bi egunean Parisen; tartean hiru erasotzaileak hil zituen poliziak.

Apirilaren 19a. 24 urteko gizon batek emakume bat hil zuen tiroz Villejuifen, eliza baten aurkako erasoa prestatzen ari zenean.

Ekainaren 26a. Saint-Quentin-Fallavierren behargin batek burua moztu zion nagusiari, eta EIren jarraitzailetzat aurkeztu zen.

Abuztuaren 21a. Gizonezko batek bost pertsona tiroz zauritu zituen Amsterdamdik Parisera zihoan tren batean. Frantziako Poliziak eraso jihadistatzat joa du.

Azaroaren 13a. Zazpi jihadistak 130 lagun hil zituzten, eta ehunka zauritu Parisen, tiroz eta soinean zituzten lehergaiak zartarazita. Bataclan antzokian hil zituzten 89 lagun, kontzertu batean. EIk hartu zituen bere gain erasoak.

2016

Urtarrilaren 7a. Poliziak gizonezko bat hil zuen Parisen, labana batekin polizia etxe bati eraso egin nahi ziolakoan. Ustezko jihadistak gezurrezko lehergailu gerriko bat eta EIren bandera zeramatzan.

Urtarrilaren 11. 15 urteko ikasle batek irakasle judu bati eraso zion labana batekin Marseillan. Poliziaren arabera, EIren izenean egindako erasoa izan zen.

Ekainaren 14a. 25 urteko gizonezko batek polizia bat eta Poliziaren idazkari bat hil zituen labanaz eraso egin ziela —senar-emazteak ziren—. EIk bere gain hartu zuen. Poliziak erasotzailea hil zuen.

Uztailaren 14a. 31 urteko gizon batek 84 lagun hil zituen Nizan, kamioi batekin harrapatuta.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFek jakinarazi dute eten egin dituztela AEBekin egiten ari ziren operazioak

Igor Susaeta

Milizia kurduak indar nagusitzat dituen eta Pentagonoaren babesa duen koalizioa ohartarazten ari zen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...