Albistea entzun

«Iruzurra» frogatu arren, legezkotzat jo dute kaleratze bat

Berria -

2019ko azaroak 6

Bilboko auzitegi batek ebatzi du legezkoa dela Artiach enpresak egindako sei kaleratzeetako bat, emakume langile batena. LABek zazpi kasugatik salatu zuen Orozkoko (Bizkaia) enpresa hori, aldi baterako kontratatutako langileen kopuru handiagatik. Horietako batean, epaileek argudiatu dute aldi baterako enpresen bidez ari diren beharginak lan egoera «pasiboan» geratzen direla gehienezko 180 egunak bete ondoren, eta, beraz, ez dagokiela kontratu mugagaberik. Alegia, urteetan Artiachentzat aritu den arren, enpresak ez diela kontratu mugagaberik egin beharrik egoera horretan daudenei.

Frogatutako gertaeren atalean jaso dute epaileek argudio hori. LABen hitzetan, «frogatutako gertaera da langileek lanik egin gabeko denboraldiak egiten dituztela, enpresak lege mugei izkin egin eta kontratu mugagabeak saihesteko, nahiz eta egiturazko lanpostuak izan». Hau da, 180 eguneko muga hori berez «iruzurra eragozteko» neurri bat izan arren, «justu arau horrek» uzten dituela beharginak babesik gabe.

Bigarren kaleratzea, aldiz, legez kanpokotzat jo dute epaileek. «Egoera berean dauden bi langileek ez dute trataera berbera jaso, eta iruzurra gauzatzeko erabiltzen den forma bera da arrazoia», salatu du LABek.

Emakumeak dira kaleratutako langileak: «Ez dugu onartuko kaleratze mehatxuarekin erantzutea eskubideak aldarrikatzen ditugun bakoitzean». Hilaren 14an manifestazioa egingo dute: 19:00etan, Laudion.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Butano banatzaile bat, bezeroen zain kalena. ©JUAN CARLOS CARDENAS / EFE

Bonu sozialaren babesean daudenek 90 euro jasoko dituzte gasa ordaintzeko

Irune Lasa Imanol Magro Eizmendi

Hego Euskal Herriko energia kontsumitzaile zaurgarrienek argindar fakturaren %70erainoko laguntza jaso ahal izango dute negu honetan
Jaurlaritako kideak, gaurko gobernu kontseiluaren ostean. ©David Aguilar (Efe)

Eusko Jaurlaritzak %50 handituko ditu inbertsioak 2022an

Jokin Sagarzazu

Inoiz baino diru gehiago gastatuko du datorren urteko aurrekontuetan: 13.108 milioi euro. «Susperraldi ekonomikoa» bultzatzea izango du xede. Aurtengo eta datorren urterako hazkunde aurreikuspenei eutsi die Azpiazu sailburuak.

Enrique Maia, udaletxean, iragan uztailaren 6an ©Jesus Diges / EFE

Enrique Maiaren ustez, «oso larria» da finantzaketa eredua aldatzea

Joxerra Senar

Iruñeko alkatearen iritziz, Iruñeak hiritartasun gutuna izateagatik jaso ohi duen milioi kopurua galtzea «urratu handi bat».

Gaur Bilbon, Eusko Jaurlaritzaren egoitzan egindako elkarretaratzea. ©Jaizki Fontaneda / Foku

Enplegu publikoak finkatzeko eskatu du ELAk

Irune Lasa

Langile publikoak mobilizazioetan dabiltza gaur Hegoaldeko hiriburuetan. Euskal alderdiei dei egin diete, boto erabakigarria dutelako Madrilen.  

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.