Urrutikoetxeak finala atzeratu du

Ezkerreko eskua mindua du, eta, arautegiak aitortzen dion eskubidea erabiliz, ekainaren 9ra atzeratu du Irribarriaren aurkako buruz buruko finala. Hogei egun falta dira, eta uste du tarte horretan eskuak asko egin dezakeela hobera
Mikel Urrutikoetxea bi pilota eskuan hartuta, iragan asteazkenean Bizkaia pilotalekuan eginiko aukeraketan.
Mikel Urrutikoetxea bi pilota eskuan hartuta, iragan asteazkenean Bizkaia pilotalekuan eginiko aukeraketan. MARISOL RAMIREZ / FOKU Tamaina handiagoan ikusi

Imanol Magro Eizmendi -

2019ko maiatzak 24

Buruz buruko txapelketako finala ekainaren 9an jokatuko da, Bilboko pilotalekuan. Mikel Urrutikoetxeak ezker eskua mindua du, eta astebete atzeratu du Iker Irribarriaren aurkako partida. Arautegiak aukera hori baimentzen du, astebete bakarrik, eta baliatu egin du. Entrenamendu saioa egin zuen atzo, eta ezin izan zuen mina jasan. Ekainaren 2rako sarrerek 9rako balio dute. Hiru urte ziren buruz buruko finala hasieran jarritako egunean jokatzen zela.

Mikel Urrutikoetxea Bilboko pilotalekuan entrenatu zen atzo, eta bertan erabaki zuen atzerapena eskatzea. Final-laurdenetan Bengoetxea VI.aren aurka jokatu zuenetik ubeldua du ezker eskuko kanpo aldean, eta Ezkurdiaren aurka jokatzeko garaiz sendatu zen arren, oraingoan ez du nahikoa denbora izan. Herenegun, eskuaren zati hori handitua zuen, eta proban ez zuen hobeto sumatu. «Olaizola II.arekin aritu naiz, eta pilota ezker aldera botatzen hasi zaidanean ezin nintzen airez sartu. Azpitik, tira, baina goitik ezinezkoa zen».

Urrutikoetxeak ez zuen saio luzea egin, hasieratik sumatu baitzuen mina. «Berotzean mina nabaritu dut; piloteoan aritu ahala hobera egingo zuela espero nuen, baina ez da horrela izan. Minak gora egin du, eta baldintza hauetan ezin da jokatu». Orain, eskua sendatzeko erlojupekoa hasiko da. Halakoetan ohikoa den tratamendua beteko du: fisioterapia, hanturaren aurkakoak... Urrutikoetxea baikor dago. «Hogei egun falta dira, eta tarte horretan asko egin dezake hobera eskuak. Espero dut nahikoa izatea».

Iker Irribarriak albistea jakin bezain laster aldatu zuen finalerako plangintza. Ez du hiru astez geldirik egon nahi, eta gaur jokatzea eskatu dio enpresari. Irurtzunen ariko da (22:00), binaka, Martijarekin, Elezkano II.a eta Ladis Galarzaren aurka. Jaialdi berean Retegik eta Peio Etxeberriak lau eta erdiko Sanfermin torneoko partida jokatuko dute.

Urrutikoetxea garaiz sendatuko ez balitz, Danel Elezkanok ordezkatuko luke, hura baita hirugarren sailkatua. Asteburu honenetan hirugarren eta laugarren postuak erabakitzeko partida jokatzekoa zen, baina Joseba Ezkurdiak bertan behera utzi du, eskuko minaren ondorioz.

Duela urte batzuk atzerapenak oso ohikoak ziren arren, 2015az geroztik halakorik gertatu gabea zen. Azken aldi hartan Bengoetxeak hatz bat hautsi zuelako eskatu zuen atzerapena, eta azkenean ez zen nahikoa izan. Urrutikoetxea hirugarren sailkatua sartu zen haren ordez finalean, eta Olaizola II.ari irabazi zion.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna