Noiz sortua: 2018-08-24 00:30:00

Badakite zer egin

Eibarrek Getafen jokatuko du gaur, ligako bigarren jardunaldian. Pedro Leon, Ivan Ramis eta Fabian Orellana min hartuta daude, eta ez dira ariko, eta ikusteko dago Ruben Peñak jokatuko duen
Pape Diop, Gonzalo Melero Huescako erdilariarekin lehian, ligako estreinakoan.
Pape Diop, Gonzalo Melero Huescako erdilariarekin lehian, ligako estreinakoan. JAIZKI FONTANEDA / FOKU Tamaina handiagoan ikusi

Aitor Manterola -

2018ko abuztuak 24

Partida eskasa jokatu zuen Eibarrek aurreko igandean, Ipuruan, Huesca igo berriaren aurka, eta, halakoetan ia beti gertatzen den bezala, galdu egin zuen (1-2). Ligari hasiera kaskarragorik ezin izan zion eman taldeak, lehen zatian, batez ere, jokalariak ez baitziren gai izan joko itxurazkoa sortzeko.

Atzo, oraindik ere horri bueltak ematen ari zen Jose Luis Mendilibar: «Ez da erraz ulertzekoa hain gaizki jokatu izana, aurreko denboraldiko jokalariekin osatu nuelako taldea, eta den-denok oso garbi daukagulako nola jokatu». Soka estu hori arintzeko aukera daukate gaur jokalariek Getafen (Espainia), etxeko taldearen aurka, eta entrenatzaileak ondo baino hobeto daki zein den bidea gauzak taxuz egiteko: «Dakigun bezala jokatu behar dugu, eta gauzak ondo egin. Zortea ezin da aipatu zuk zurea egin ezean».

Aurreratu zuen aldaketaren bat edo beste izango dela hamaikakoan, «baina ez aste hasieran buruan neuzkan guztiak. Duela egun batzuk, aurreko hamaikakotik hamar jokalari aldatuko nituen, baina, egunak aurrera joan ahala, aldaketen kopurua txikituz joaten da, eta hasieran uste baino gutxiago egingo ditut». Non aukeratu handirik ere ez dauka, min hartutako jokalarien zerrenda handitu egin baita asteon. Gaurko ez dira izango ondorengo hauek: Pedro Leon, Ivan Ramis eta Fabian Orellana, eta Ruben Peña ariko den edo ez zalantzazkoa da, bihurritua izan zuelako oinean atzoko entrenamenduan. Eskuin hegaleko atzelariaren egoera ikusita, hemeretzi jokalari doaz Getafera, Peña barne. Asier Riesgo eta Alejandro Galvez utzi ditu kanpoan Mendilibarrek. Hau dena kontuan izanda, eta ikusirik aurreko igandeko ia inork ez zuela irabazi gaur hasieratik aritzeko aukera, zaila baino zailagoa da hamaikakoa asmatzen.

Getafe aurkari zaila izango da, aurreko sasoian erakutsi zuen bezala: «Ez da erraza hauen aurka jokatzea. Oso bertikala dute jokoa, baloiarekin ez dute denbora asko galtzen, eta azkarrak dira erasoan». Espainiarrek hainbat aldaketa egin dituzte aurreko sasoiko taldetik, eta fitxaturiko jokalari esanguratsuenak honako hauek dira: David Soria eta Leandro Chichizola atezainak, Ignasi Miquel atzelaria, Ivan Alejo —Eibarreko ohia— eta Nemanja Maksimovic erdilariak, eta Jaime Mata aurrelaria.

Partida nondik nora joan daitekeen azaldu zuen Mendilibarrek: «Bi taldeetako batek gauzak ez baditu oso gaizki egiten, behintzat, berdindua izango da lehia».

Fitxaketa bat, agian

Datorren ostiralean bukatuko da jokalariak fitxatzeko epea Espainiako Ligako taldeentzat, eta Pedro Leonen lesioak eragin dezake mugimenduren bat, atzo Mendilibarrek aipatu zuenez: «Fitxa aldetik aukera daukagu, eta, agian, merkatuan begiratu egin beharko da, baina itsutu gabe. Pentsatzen dut klubeko idazkaritza teknikoak izango duela jokalariren bat zainduta eta une jakin batean etor daitekeena». Gaur egun, Eibarrek 24 jokalari dauzka, eta bat gehiago bakarrik ekar dezake, beste inork taldea uzten ez badu behintzat.

GETAFE-EIBAR

Getafe. David Soria; Damian, Djene, Miquel, Antunes; Portillo, Arambarri, Maksimovic, Amath; Molina eta Angel.

Eibar. Dmitrovic; Arbilla, Oliveira, Bigas, Jose Angel; Jordan, Escalante, Diop, Hervias; Kike eta Enrich.

Epailea. Medie Jimenez.

Lekua. Alfonso Perez (17.393 ikusle).

Ordua. 20:15ean (BeIN La Liga).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna