Baikortasun neurtuarekin

Ampo Ordiziak ligako finalerdiak jokatuko ditu larunbatean, El Salvadorren aurka, Valladoliden. 2012an iritsi zen azkenekoz
Ampo Ordiziako jokalariak entsegu bat ospatzen, Burgosen aurkako iragan igandeko partidan.
Ampo Ordiziako jokalariak entsegu bat ospatzen, Burgosen aurkako iragan igandeko partidan. I. GURRUTXAGA / GOIERRIKO HITZA Tamaina handiagoan ikusi

Imanol Magro Eizmendi -

2019ko maiatzak 8

Ampo Ordiziak Espainiako Ohorezko Mailako lehen finalerdia jokatuko du larunbatean, El Salvador ahaltsuaren aurka, Valladolideko (Espainia) Pepe Rojo estadioan (17:30). Goierriko taldea 2012an iritsi zen azkenekoz finalerdietara, elkartearen aro loriatsuenean, eta «arrakasta» horrek ezinbestean piztu du Iñigo Marotias entrenatzailearen ilusioa (Ordizia, Gipuzkoa, 1989). «Baikorra izatea dagokit, jokalariek transmititzen baitidate baikortasun hori. Guk zazpi profesional bakarrik ditugu; besteentzat denbora asko kentzen dien zaletasun bat da hau, eta egunero ilusioz entrenatzen ikusten ditut. Gose direla ikusten dut; horregatik naiz baikorra».

Ordiziak sasoi oso ona egin du, eta horren ondorio da finalerdietara iritsi izana. «Helburua hori zen, baina oso helburu zorrotza jarri genuen», zehaztu du teknikariak. «'Gure' ligako aurrenekoak izatea zen helburua. Laugarren postuan bukatuta, lortu dugu, eta bide batez final-laurdenak etxean jokatzea ere bai». Iragan igandean jokatu zituzten, eta 38-31 irabazi zuten Burgosen aurka.

Finalerdia, baina, beste kontu bat izango da, El Salvadorrek lehen postuan bukatu baitzuen liga, eta titulua irabazteko hautagai nagusia baita. Hala ere, Marotiasen baikortasunak badu oinarri objektiboa: etxeko emaitza. Ligan El Salvadorren zelaian jokaturiko partidan, Ordiziak egurra hartu zuen (51-10); Altamiran, aldiz, berdindu egin zuten (13-13). «Horrek erakusten du ezustekoa eman dezakegula. Badakigu zaila dela, baina, gure jokoa eginez gero, izango ditugu aukerak».

Kanpoko partida hartan, Ordiziak hutsune asko izan zituen, eta hasi eta berehala okertu zen. Etxekoan, aldiz, orekari eutsi zion. «Gure onenean geunden, eta partida serioa egin genuen. Defentsan arriskatzea gustatzen zaigu, eta Burgosen aurka huts batzuk egin genituen. Larunbatean ezin ditugu egin. El Salvadorren aurka hutsak egiten baditugu, garesti ordainduko ditugu».

Oreka da Marotiasek nahiko lukeena; sinatuko luke, ez baitio beldurrik bi taldeen arteko eskarmentu aldeari. «Haiek gehiago dute, ohituagoak daude halakoetara, baina eskarmentua jokatuz hartzen da. Seinale ona litzateke guretzat une erabakigarrira berdinduta iristea».

El Salvadorrek, zelaiaz gain, atsedena izango du alde, hilabete baitarama jokatu gabe. Ordiziak, aldiz, bazekien zein izango zen finalerdietako aurkaria. Eta litekeena da Valladoliden ez poztu izana Ordizia sailkatu delako. «Ez gara aurkari erosoa inorentzat: 'Ez dira oso handiak, baina gogorrak dira hauek', esaten dute. Hiru urte daramatzan oinarri bat dugu, eta harreman estuaz gain, automatismo asko ditugu barneratuak».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Realeko Alexander Isak buruz erremate bat egiten, Rijekaren aurkako lehen itzuliko partidan. ©ANTONIO BAT / EFE

Lehenik, nork bere lanak

Jon Ander De la Hoz

Reala Europa ligako hurrengo faserako sailka daiteke gaur, Rijekari irabazi eta Napolik AZ Alkmaar azpiratzen badu. Silva deialdian da; Elustondo, berriz, ez
Lysa Tchapchet, jaurtitzeko prest, Elxekin jokatutako partida batean. ©BERRIA

Harribitxi bat pibotean

Julen Etxeberria

Hiru euskal jokalari ariko dira gaurtik Danimarkan, Europako Eskubaloi Txapelketan: Nerea Pena, Ainhoa Hernandez eta Lysa Tchaptchet. Azkenak debuta du lehia handi batean; Kamerunen jaio eta Atarrabian hamahiru urtez bizi ostean, Elxen ari da orain.
Albisu, Agirre, Ezkurdia eta Martija, atzoko pilota aukeraketan. ©ARITZ LOIOLA / FOKU

Lau pilotariek merezi zuten norgehiagoka

Amaia Igartua Aristondo

Bihar jokatuko dute Baikoko pilotarien greba zela-eta jokatu ez zen binakako finalerdia: Ezkurdia-Martija, Agirre-Albisuren aurka
Lau eta erdikoan ariko diren pilotariak, Jokin Altuna izan ezik. Amezketakoa ez zen izan atzo Miribillako frontoian egindako aurkezpenean. ©ARITZ LOIOLA / FOKU

Egoerara egokitutakoa

Julen Etxeberria

Larunbatean hasiko da lau eta erdikoa, eta banakakoaren lehiaketa sistema izango du: lau asteburutan jokatuko da, kale edo bale egiteko partidetan. Finala, 27an

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna