Albistea entzun

Qatarko Munduko Kopa

Zalantzaz betetako ametsa

Patxi Vrignon-Etxezaharreta France-Presse agentziako kazetaria Qatarren dago, Munduko Koparen berri ematen, eta herrialdearen berezitasunak ezagutzen ari da.
Patxi Vrignon-Etxezaharreta, France-Presseko kirol kazetari euskalduna, Qatarren, Munduko Kopako baloia buruan daukala.
Patxi Vrignon-Etxezaharreta, France-Presseko kirol kazetari euskalduna, Qatarren, Munduko Kopako baloia buruan daukala. PATXI VRIGNON-ETXEZAHARRETA Tamaina handiagoan ikusi

Beñat Mujika Telleria -

2022ko abenduak 6

Munduko Kopa baten berri kirol kazetari gisa ematea profesionalki «ametsa» zuen Patxi Vrignon-Etxezaharretak (Hazparne, Lapurdi, 1995). France-Presse agentziak ametsa egia bihurtzeko aukera eman zion, eta Argentinako, Espainiako eta Uruguaiko selekzioen berri ematen ari da Qatarren. Hala ere, «zalantza» ugari izan zituen joan aurretik: «Amets profesionala betetzeko aukera izan da, baina, beste aldetik, nire balioekin talka egiten zuen gertakariak».

Lehiaketa hasi baino astebete lehenago iritsi zen Dohara, kirol arloan murgildu aurretik «katastrofe ekologiko eta humanitarioak» bertatik bertara kontatzeko. Ez zeukan erreferentziarik, horrelako herrialde batean inoiz egon gabe baitzegoen, baina aurretik pentsatzen zuen «guztia» betetzen dela dio: «Zinez hiri bitxia da Doha. Ez da inor kaleetan, denak barnean zerratuak bizi dira. Autoz ibiltzeko eginda dago, eta turistentzat pentsatua».

Bestalde, zenbait kazetariri oztopoak jarri dizkiete lan egiteko. Nahi den tokian grabatzeko, Prentsa Zentroan hartzen den «beste akreditazio bat» behar da, baina grabatzeko aukera izan arren legedia «berezia» dela aitortu du hazpandarrak: «Edonor filmatzen ahal duzu, baina ezin da pertsonen plano finkorik egin». Hala ere, haren iritziz, Qatarren argi daukate prentsa askatasuna oso garrantzitsua dela «Mendebaldean», eta ez du uste horretan gehiegi sartuko direnik: «Herri honek asko zaintzen du irudia, eta ez diote sekula hedabide handi bati eragozpen handirik ematen».

Futbolzale sutsuek ere kritikatu dute Qatarren daukaten futbol kulturaren falta. Hazparnekoak argi dauka futbol giroa badagoela, batez ere «Munduko Koparen inguruan» antolatuta dagoelako dena. «Sentitzen da ardatz komunikatibo batetik Munduko Kopa bat dela. Jendearen aldetik, ordea, ezin da hori esan».

Qatarren, diskriminazioei aurre egin behar izaten diete emakumeek. Bertakoak diren oso emakume gutxi ikusi ditu harmailetan Vrignon-Etxezaharretak. «Emazte gutxi doaz; denak beltzez jantzita eta beti gizonarekin». Gainera, Munduko Kopa batek dakarren kultura aniztasunak bertako gizonen ohiturekin talka egiten duela ikusi du: «Qatarko gizonak zuriz jantzita doaz, eta harmailetan ez dira beste zaleekin nahasten».

Arazo ugari salatu dituzte Qatarrera joan diren hainbat zalek. Autoan ibiltzea «oso zaila» dela ohartarazi du Vrignon-Etxezaharretak, eta auto ilara luzeak sortzen direla. Kazetariek autobus bat daukate beren zerbitzura, eta zelaira eramaten ditu. «Oren bat edo bi oren partida hasi aitzin». Estadioetan egondako arazoek ere sona handia izan dute. France-Presseko kazetariak dio zenbait partidatan arazoak izan dituztela sistema informatikoarekin, eta «Hayya txartela [Qatarren sartzeko beharrezkoa den dokumentua] daukan edonori» estadioetan sartzen utzi diotela partida horietan.

Aldarrikapen hutsalak

Munduko Koparen aurkako adierazpen batzuk espero zituen Vrignon-Etxezaharretak Qatarren, eta, gutxi izan badira ere, ikusi dira batzuk. Alemaniako selekzioko jokalariek eskua ahora eraman zuten besokoaren auziarekin, eta espontaneo batek bakearen bandera atera zuen. Estadioetatik kanpo, ordea, ez du antzeko aldarrikapenik ikusi hazpandarrak. «Betiko eztabaida da, eta denok dugu gure rola bertan; kirolariek, zaleek eta kazetariok».

.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.
Joseba Ezkurdia, pilota jotzen, azkeneko partidan. ©ARITZ LOIOLA / FOKU

Ezkurdia-Martija eta Jaka-Aranguren aukerarik gabe gera daitezke asteburuan

J. Etxeberria

Aspekoek hiru garaipenera dute kanporaketa, eta Baikokoek, laura. Nafarrek gaur jokatuko dute, Urrutikoetxea-Albisuren aurka, Zornotzan
Mathieu van der Poel eta Wout van Aert, lehian, Benidormen jokatutako Munduko Kopako proban. ©MORELL / EFE

Betiko biak, eta beste guztiak

Eñaut Agirrebengoa

Gaurtik igandera jokatuko da ziklo-kroseko Munduko Txapelketa, Hoogerheiden (Herbehereak). Gizonezkoen proban, Van der Poelen eta Van Aerten arteko beste borroka handi bat espero da. Iazko txapelduna, Pidcock, ez da lehiatuko.
 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...