Tolosako Abesbatza Lehiaketa

Batavia Madrigal Singers taldea nagusi

Indonesiakoek irabazi dute Tolosako 51. Abesbatza Lehiaketa, eta Europako Sariketa Nagusian parte hartzeko txartela eskuratu. Poloniako Art'n Voicesek jaso ditu ahots taldeentzako musika erlijiosoko eta profanoko sariak

Erredakzioa -

2019ko azaroak 5
Indonesiako Batavia Madrigal Singers taldea nagusitu da aurten Tolosako (Gipuzkoa) 51. Abesbatza Lehiaketan. Lau sari jaso ditu guztira. Hasteko, Kutxa Sari Nagusia, zeinari esker datorren urtean Debrec hirian (Hungaria) izango den, Europako Sariketa Nagusian parte hartzen. Ganbera abesbatzen polifonia modalitateko saria ere eskuratu dute, eta folklore modalitatekoa. Azkenik, publikoaren saria eman diote.

1996an sortu zuten Batavia Madrilgal Singers taldea. Ordutik, nazioarteko abesbatza lehiaketa ezagunetan sari gehien irabazi duen Indonesiako taldea bilakatu da. 40 kide ditu —hogei gizon eta hogei emakume—, eta aurtengoa ez dute lehen aldia Tolosako lehiaketa irabazten, 2017an ere sari nagusia eskuratu baitzuten. Bai orduan, bai aurten, Avip Priatnak egin ditu abesbatzaren zuzendari lanak. Gustura agertu zen herenegun, palmaresaren berri jakin bezain pronto. «Lehiaketa bakoitza irakaspen bat da guretzat. Noski, nazioartean ezaguna den lehiaketa batean abesteak eta, gure kasuan, irabazteak, nolabaiteko estatusa eta garrantzia ematen digu; hazten segitzen laguntzen digu. Horrela, Indonesian geroz eta handiagoa den abesbatzarako tradizioa zabaltzea lortuko dugu», adierazi zion Ataria hedabideari.

Europako Sariketa Nagusirako lehiaketan, Indonesiako taldearen atzetik, Japoniako JCA National Youth Choir sailkatu da bigarren, eta Poloniako Art'n Voices hirugarren. Azken horrek ahots taldeentzako bi sariak eskuratu ditu: musika profanoaren atalekoa eta musika erlijiosokoa. Halaber, Ukrainako Glier College eta Letoniako Era taldeak sailkatu dira bigarren eta hirugarren, hurrenez hurren, bi modalitate horietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna