Noiz sortua: 2020-05-22 00:30:00

Daukatenari eutsita, pozik

Zuazon hasiak dira datorren sasoirako taldea osatzen. Joseba Rodriguez 'Haito'-k esan du «ahalik eta jokalari gehienei» eutsi nahi dietela, baina, lau talde gehiago egongo direnez, badaki klubaren eskaintzaz gain beste batzuk ere izango dituztela.
Joseba Rodriguez Haito Zuazoko entrenatzailea, etxean, ordenagailuaren aurrean lanean, atzo.
Joseba Rodriguez Haito Zuazoko entrenatzailea, etxean, ordenagailuaren aurrean lanean, atzo. JOSEBA RODRIGUEZ Tamaina handiagoan ikusi

Julen Etxeberria -

2020ko maiatzak 22

Bihar zen bukatzekoa liga Espainiako Ohorezko Mailan. Bihar zen jokatzekoa Zubileta Evolution Zuazo denboraldiko azken partida, Porriñon (Galizia). Baina badira bi hilabete eta erdi ez dela neurketa bakar bat ere jokatu. Eta ez dira gehiago jokatuko, Espainiako Eskubaloi Federazioko Ordezkarien Batzordeak bukatutzat eman baitzituen lehiaketa guztiak duela bi aste pasatxo. Horren ondorioz, Super Amara Bera Berak seigarren aldiz irabazi du liga, eta Zuazo bederatzigarren urtez jarraian ariko da maila nagusian.

«Berekoi izanda, denboraldia bukatzeak eta jaitsierarik ez egoteak mesede egin digu, bete-betean ari baikinen mailari eusteko lehian. Baina kirolariak garen aldetik, guk pistan lortu nahi ditugu helburuak, eta ez bulegoetan», aitortu du Joseba Rodriguez Haito Zuazoren entrenatzaileak (Basauri, Bizkaia, 1980).

Hala ere, «gustura» dago egindako lanarekin. «Sinetsita nago mailari eutsiko geniola. Horretarako maila bagenuen, eta gero eta hobeto ari ginen. Aurreko sasoian, antzeko bidea egin genuen, baina orduan, kosta egin zitzaigun egokitzea, aldaketa asko egin baikenituen. Denboraldi honetan, ordea, taldeen arteko parekotasuna izan da zailtasunik handiena. Ez zegoen aurkari samurrik. Gainera, partida asko gol bakar batengatik galdu ditugu. Berdindu edo irabazi izan bagenitu, bestelakoa litzateke gure egoera sailkapenean. Xehetasun txikien ondorioz egon gara behean. Detaile horiek zuzentzen baditugu, aurrerapausoa emango dugu».

Ez da talderik jaitsi, eta lau igo dira. Beraz, datorren sasoian lau talde gehiago ariko dira: hamasei. Aldaketa handia da, eta Federazioak lehiaketa sistema berria ezarri nahi du: zortzi taldeko bi multzotan banatzea liga; talde horiek bi itzuliko ligaxka jokatzea; multzo bakoitzeko lehen lau sailkatuek titulurako ligaxka jokatzea, eta beste zortziek mailari eustekoa; bigarren ligaxka horietan, lau jardunaldi baino ez lirateke jokatuko, eta kontuan hartuko lirateke lehen ligaxkan multzokide izandako aurkarien aurka lortutako puntuak. Zehazteko dago nola izango litzatekeen azken txanpa, baina ziurra da lau talde jaitsiko direla. Zuazo eta Bera Bera elkarrekin ariko lirateke, Atletico Guardes, Malaga, Valladolid, Alcobendas, Puerto del Carmen eta Santanderrekin batera.

Argi du horrek «are zailagoa» egingo duela mailari eustea. «Garestiago egongo da salbazioa: batetik, lau talde jaitsiko dira; eta, bestetik, bigarren fasera pasatzean lehengoaren emaitzak hartuko dira kontuan. Adibidez, bitan irabaz diezaiokegu Bera Berari, baina horrek ezertarako ez luke balioko gero aurkari apalagoen aurka galdu eta mailari eusteko multzora joanez gero. Alderantziz ere gerta daiteke». Haren ustez, «arrazoi ekonomikoak» dira nagusi sistema berri hori ezarri nahi izateko. «Orain arteko sistemari eutsiz gero, zortzi jardunaldi gehiago jokatuko lirateke, 30, eta hori ekonomikoki bideraezina litzateke klub gehienontzat, are gehiago orain, non, egoeraren ondorioz, aurrekontuak jaisten ari diren, eta kontratuak egokitzen. Erokeria litzateke 30 jardunaldiko liga bat jokatzea».

Loidi, bakarra kontratupean

Baina «kirol arrazoiak» ere badaudela gaineratu du. «Koparen bi ekitaldi jokatzeko asmoa dago; Europako lehiaketak daude; Europako Txapelketa; Olinpiar Jokoetarako sailkatzeko torneoa; eta gero, Jokoak. Bete-betea izango da sasoia, eta horri beste zortzi jardunaldi gehituz gero, are eta gehiago profesionala ez den liga batean...». Ustez, «urtebeterako» neurria litzateke sistema berria, «ezohiko egoera» horri aurre egiteko neurri gisa. «Erabaki asko hartu beharko dira laster; adibidez, ateak itxita edo ikusle kopurua mugatuta jokatuko dugun. Ez dakigu abuztuaren 1ean denboraldi-aurrean hasten garenean Lasesarre irekita egongo den edo ez. 2021era arte ez gara itzuliko aurreko egoerara».

Azpimarratu duenez, Zuazon ez daude «geldi», eta hasiak dira lanean. Lehen erabakia berari kontratua beste urtebeterako berritzea izan da. «Konfinamenduan ginela jakinarazi zuen klubak, baina aurretik zegoen egina. Oso eskertuta nago, larri ginenean eskaini baitzidan jarraitzea». Ikusteko dago zer jokalari izango dituen, June Loidiri ez beste guztiei bukatuko baitzaie kontratua hilaren 30ean. Rodriguezen iritziz, hamasei talde egoteak «zaildu» egingo du lan hori. «Igo berriek maila honetako jokalariak fitxatu nahiko dituzte, eta jokalariak daudenak daude. Ziur naiz gure jokalariek deiak jasoko dituztela, batez ere ezagunenek: Ainhoa Hernandezek, Loidik, Amaia Gonzalez de Garibaik... Kluba ahalegina ari da egiten horiei eusteko. Pozik ginateke hori lortuta. Hutsuneren bat egonez gero, saiatuko ginateke norbait fitxatzen». «Baikor» dago. «Jokalariek badakite denok egin beharko dugula ahalegin bat. Beti erakutsi diote atxikimendua klubari».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna