Albistea entzun

Izenburu ezagunak, apustu segurua

Komediatik animaziora, ezusteko handirik gabe dator udan estreinatuko diren filmen zerrenda
<em>Uda honetan, Mamma Mia</em> filmaren bigarren zatia iritsiko da zinema aretoetara; Amanda Seyfriedek protagonismo handia hartuko du.
Uda honetan, Mamma Mia filmaren bigarren zatia iritsiko da zinema aretoetara; Amanda Seyfriedek protagonismo handia hartuko du. BERRIA Tamaina handiagoan ikusi

Gontzal Agote -

2018ko ekainak 30

Itxura batean, aurtengo udan zinema aretoetan eskainiko dituzten filmek ez dute ezusteko handiegirik ekarriko. Frankizia ezagunen segidak, ustez freskagarriak diren komediak, familia osoak elkarrekin disfrutatzeko animazio film bakan batzuk, eta egun sargoritsuetarako alternatiba triste bihurtuko diren akzio pelikulak dira menuaren osagai nagusiak.

Betiere sorpresaren bat izanen bada ere, ez da azti lana egin behar arrakastarik handien bilduko dituzten filmak zeintzuk izanen diren asmatzeko. Dagoeneko ezagunak diren izenburuak dira; hortik hasita, beste edozein pelikulak baino ahalegin txikiagoa egin behar dute ikusleak inguratzeko.

Mamma Mia esanda, gehienei ABBAren musikalaren gaineko film arrakastatsua etorriko zaie burura. Orduko hartatik hamar urte pasatu dira, eta udan bigarren partea ailegatuko da, Ol Parkeren zuzendariari esker. Mamma Mia: Here We Go Again du izenburu filmak, eta, oraingoan, Amanda Seyfriedek hartu du protagonismo nagusia.

Duela lau urte Denzel Washington Donostiara etorri zen, Donostia saria jasotzea. Aktore ospetsua Anthony Faquaren The Equalizer akzio filmarekin agertu zen, eta, hurrengo asteotan, film horren bigarren atala ikusteko aukera izanen da. Zuzendaria eta aktoreak berberak izango dira, eta istorioan ere aldaketa handiegirik ez da espero.

Askoz luzeagoa da Mission: Impossible saila. 1996an abiatu zen, Brian de Palmaren zuzendaritzapean, eta, aurtengo udan, seigarren atala ailegatu da gure aretoetara. Tom Cruisek Ethan Huntena egiten segitzen du, oraingo honetan Christopher McQuarrieren zuzendaritzapean.

Udan espero ditugun izenburu ezagunen zerrenda luzea amaitzeko, animazio generoa aipatu behar da. Hotel Transilvania filma 2012an estreinatu zen, eta, zarata handirik sortu gabe, hirugarren pelikulara ailegatu da. Izenburua ez da sobera originala, Hotel Transilvania: Summer Vacation funtzional bat jarri baitiote.

Nolanahi ere, irrikarik handien sortu duen jarraipena Pixar etxeak ekarriko du. Hamalau urte pasatu dira Brad Birdek The Incredibles egin zuenetik, eta, aurki, superheroi familia disfuntzionalak berriro ere mundu osoko zinema aretoak bereganatuko ditu.

Umorea eta abenturak

Izenburu ezagunak alde batera utzita, komedia erromantikoak bere ohiko lekua izanen du udako zinema aretoetan. Rebeca Hall eta Dan Stevensen Permission-ek harreman irekietan jarriko du arreta; eta The Spy Who Dumped Me filmak, berriz, komedia eta espioitza generoa uztartuko ditu.

Abenturak maite dituztenek, berriz, Albert Hughesen Alpha-rekin izanen dute ongi pasatzeko aukera, duela 20.000 urteko Europan girotutako film epikoa baita. Horrez gainera, The Meg pelikulak itsaso aldera eramanen ditu ikusleak, eta, han, izaki beldurgarri batekin eginen dute topo.

Beldurrezko generoak bere ohiko kuota izanen du, eta, zorte apur batekin, egun beroetan hor gauza interesgarri batzuk ikusteko aukera izanen da.

Beldurgarria da Slender Man iragartzen duen kartela, eta Sylvain Whitek zuzendu duen filmak tentsio handiko mementoak ematen ahal ditu. Klasikoago dirudi Rodrigo Cortesek ekarriko duen proposamena: Blackwood du izenburu eta Uma Thurman du protagonista.

Autore zinema maite dutenek aukera urria izanen dute, baina izen ezagun pare batekin kontsolatzen ahalko dira. Cannesen egurtu zuten Michael Hanekeren azken filma ailegatuko da, Happy End, Isabelle Huppert protagonista duena. Gus van Santen azkena ere ikusteko aukera izanen da, Don't Worry, He Won't Get Far on Foot, Joaquin Phoenix eta Rooney Mara aktoreekin.

Azkenik, bi artista handiren biografiekin zerbait ikasteko aukera izanen dugu. Bi pelikula dira, biak frantziarrak, eta, bien bitartez, Gaugin eta Rodinen unibertso bereziak modu fikzionatuan ezagutzeko aukera izanen da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.
Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...