Albistea entzun

Kontrolik gabeko txartelak, epaileen esku

Maileguaren ordainketa atzeratzeko aukera ematen duten kreditu txartelen legezkotasuna aztertzen ari da Auzitegi Gorena, eta gehiegizko zorrak nork ordaindu behar dituen ebatzi dezake
JUSTIN LANE / EFE Tamaina handiagoan ikusi

Jokin Sagarzazu -

2020ko otsailak 27

Baliteke amesgaiztoa ohez aldatzea. Herritar ugarik mesanotxeetan zorrak pilatzen dauzkaten kreditu txartel batzuk legezkoak diren ala ez ebatziko du aurki Espainiako Auzitegi Gorenak, eta, garrantzitsuena dena, zehaztu dezake gehiegizko zorra balego hori nork ordaindu behar duen: bezeroak ala mailegu emaileak. Bereziki krisialdi ekonomikoaren garaitik hona asko ugaritu diren txartela batzuk daude jopuntuan: saltoki handiek eta erakunde mailegu-emaile batzuek eskainitakoak.

Fidelizazio gisa eskaintzen dituzten txartel horietako bat da, baina, kontratuaren letra txikia irakurriz gero, harreman hori betiko izatea bilatzen dute. Revolving ere esaten zaie, birakaria baita sortzen duten zorra: zenbat eta gehiago erosi, handiagoa da interes tipoa. Horiek hala, amaierarik gabekoa bihur daiteke bezeroaren eta mailegu emailearen arteko lotura.

Atzo bildu ziren Auzitegi Goreneko Arlo Zibileko Salako magistratuak, gaiari buruz jurisprudentzia ezartzeko. Atzoko espero zen erabakia, baina ez zen hala izan, eta ez dute jakinarazi noiz kaleratuko duten.

Wizink erakunde mailegu-emaileak jarritako helegite bat aztertuko dute. Kantabriako Probintzia Auzitegiak arrazoia eman zion bezero bati, eta gehiegizkotzat jo zuen %27ko interes tasa jarri izana. Orain arte, kasuen %90ean arrazoia eman diete bezeroei, eta Gorenak berak hala egin zuen 2015ean: 1908ko lege bat eskuan, lukurreriatzat jo zuen erakunde horien jarrera, eta baliogabetu egin zuen kontratua.

Gorenak epai konplexua du mahai gainean, lukurreria den ala ez ebaztearekin batera gehiegizko zorra itzultzera behartu baititzake mailegu emaileak. Hala balitz, bezeroek salaketak jarri beharko lituzkete, eta epaitegiek kasuan-kasuan aztertuko beharko lukete zenbatekoa.

Kontsumitzaileen elkarteen arabera, Hego Euskal Herrian, Espainian, Herrialde Katalanetan eta Galizian bi milioitik gora herritarrek dituzte gisa horretako txartelak, eta 13.000 milioi euro baino gehiago dituzte maileguetan. Espainiako Gobernuak asmoa agertu du abusuzko maileguen inguruan arautzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Vladimir Putin, joan den ostiraleko irudi batean. ©MIKHAIL METZEL / EFE

Errusia ordainketa etenduran erori da

Irune Lasa

AEBek jarritako zigorren ondorioz, Errusiak atzerriko dibisetan dituen bi zor bonuren hartzekodunei ez zaizkie iritsi jaso beharreko interesak

Celsak 550 milioi euro jasoko du, erreskaterako

Julen Otaegi Leonet

Ministroen Kontseiluak gaur bertan onartu du azkenean siderurgia taldeari erreskatea ematea.

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Pedro Sanchez, Ministro Kontseilu bereziaren osteko agerraldian. ©Kiko Huesca / EFE

Espainiako Gobernuak 200 euroko txekea emango die errenta apaleko langileei, autonomoei eta langabeei

Irune Lasa

Kotizaziorik gabeko pentsioak %15 igoko ditu, eta garraio publikorako abonuak merkatuko. Pedro Sanchezek energia konpainien irabazien gaineko zerga berria iragarri du. «Gehien lortzen dutenek, ekarpen handiagoa egin behar dute sakrifizio kolektibora».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...