Albistea entzun

Eurokopan San Mamesen zaleak egotea «zail» ikusten du Espainiak

Ainara Arratibel Gascon -

2021eko apirilak 8

Eurokopa Bilbon jokatuz gero, publikoarekin jokatzea. Horixe izan da Bilboko Udal Gobernuaren nahia. Hala, atzo goizean Europa Pressek udal iturrietatik zabaldutakoaren arabera, Espainiako Futbol Federazioa eta Eusko Jaurlaritzako Osasun Saila horretarako ados jarri ziren. Bi erakunde horien artean osatuta eta sinatuta zeuzkaten UEFAk Bilboko egoitzaren inguruan eskatzen zituen dokumentuak, eta, hala, neurketetara 13.000 lagun inguru joan ahalko ziren, estadioaren edukieraren %25.

Baina 13.000 lagun sartzeko hainbat baldintza bete beharko zituen pandemiaren egoerak Araban, Bizkaian eta Gipuzkoan. Besteak beste, herritarren %60k immunizatua egon beharko zuten, ospitaleetako okupazioak %8tik beherakoa izan beharko zuen, eta birusaren transmisioak oso txikia izan beharko zuen.

Horren haritik iritsi zen iluntzean Espainiako Futbol Federazioaren oharra: bertan, adierazi zuen ez zituela baldintza horiek adostu Jaurlaritzarekin, eta «oso zaila» dela betetzea. «Horrenbestez, UEFAk txosten hori aztertuta hartzen duen erabakia ez da gure ardura izango, eman dugulako abisua baldintza horiek betetzea ezinezkoa dela».

Alexander Ceferin UEFAko presidenteak argi utzi zuen duela hilabete inguru: Eurokoparen egoitza izateko ezinbestekoa izango da zaleak estadioan sartu ahal izatea. Hilaren 19an edo 20ean hartuko da erabakia.

Larunbatean, mobilizazioa

Eurokopa Bilbon egiteko asmoa geratzeko, manifestazio nazional batera deitu du Eurokopa honi ez plataformak datorren larunbaterako. «Ezin dugu Euskal Herria gurutzatu, baina San Mamesen 13.000 pertsona sar daitezke». Bilbon egingo da manifestazio nagusia. Iruñean eta Gasteizen ere manifestatzera deitu du plataformak.

EH Bilduk, berriz, Gotzone Sagardui Osasun sailburuaren eta Jon Redondo Kiroletako zuzendariaren agerraldia eskatu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

<b>Bi garaile.</b> Roglic Itzuliko garaipena ospatzen, eta Gaudu etapakoa, atzo, Arrateko gainean. ©JAIZKI FONTANEDA

Azkarrena, hankaz eta buruz

Eñaut Agirrebengoa

Roglicek irabazi du Itzulia, Arratera bidean lasterketa iraulita. Behar zuen lekuan egon da une oro, Pogacar eta McNulty ez bezala. Indar erakustaldia egin du bukaeran, eta irabazten utzi dio Gauduri

Pacheco Sanceten jaurtiketa urruntzen, atzo San Mamesen. ©MARISOL RAMIREZ / FOKU

Joko eskasa Pachecoren derbian

Haritz Gallastegi

Babazorroen atezainaren geldiketek eman diote Alavesi Callejaren aroko lehen puntua. Athleticen, sarri jokatzen ez duten jokalariek ez dute aukera baliatu

Kike Garcia, Sergi Enrich eta Aleix Garcia, etsiak jota, atzoko partidan, Ipuruan. ©JON URBE / FOKU

Puntu premia gorria

Jon Ander De la Hoz

Eibarrek galdu egin du Levanteren kontra, eta azkena da Lehen Mailako sailkapenean. Hamahiru partida daramatza irabazi ezinda

Euskal Selekzioa Lezaman entrenatzen, atzo. ©EUSKADIKO FUTBOL FEDERAZIOA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna