Albistea entzun

EKOGRAFIAK

Pandemiako salbatzailea

Amaia Garcia -

2021eko abenduak 28

Gabonak familiarekin egoteko egunak izaten dira. Askorentzat elkartzeko egun bereziak dira, eta urte guztian ikusten ez dituzten senideekin elkartzeko aukera ere izaten da. Pandemiako bigarren urte honetan familia ikustea zaila izan da batzuetan. Gehienak COVID-19an positiboak ekiditen ibili gara, eta positiboek, berriz, bakarrik pasatu dituzte egun hauek. Familiarekin konektatua egoteko sakelakoa erabili dute gehienek, eta bakartasun horren aurka telebista izan dute lagun. Egun hauetako programazioa ez da bereziki ona izaten. Goazen-en Eguberrietako saio berezia ikusgai egon da ETB1en, eta beste kate batzuek dantzatzeko saioak jarri dituzte.

Pandemia hasi zenetik dantzatzea arriskutsua izan dela esan digute duela gutxi arte. Tabernak irekiak zeuden, baina bertan ezin zen dantzatu. Askorentzat albiste ona izan zen debeku hori kendu zenean, baina egoera berriro okertu da. Dantzatzeko musika oso ona izan dugu pandemian, eta askok etxean egin behar izan dugu.

Munduan Bad Bunny izan zen 2020. urtean disko gehien atera zituen abeslaria. Hiru disko atera zituen, eta dantzatzekoak ziren gehienak. Egun hauetan, Simpsondarrak telesaileko kapitulu batean Puerto Ricoko abeslaria agertu da. Bertan, Homer Simpson sakelakoari itsatsita agertzen da, eta bere familia galtzen ari dela ikusten da. Egoera hori konpontzeko, Bad Bunnyren Te deseo lo mejor abestia agertzen da, eta abeslariak kontzertu bat ematen du Springfielden. Simpsons familia berriro elkartuko da abestiari esker. Telesail hori bikaina da arrazoi askorengatik, baina baita pertsona ezagunak agertzen direlako ere bertan.

Hiru minutuko eszena horretan, telesailak gaur egungo gaiak jorratzen ditu: pertsona gertukoen beharra, konektatua egotearen menpetasuna eta gure errealitateaz konsziente izatea. Azken urteetan sakelakoa askotan beharrezkoa dugu, lan egiteko, gure lagun eta familiarekin hitz egiteko edota denbora pasatzeko. Horrek menpekotasun handia sortu du gizartean, eta eszena horrek modu oso onean erakutsi nahi digu egoera. Eguberrietako opari txiki moduan hartu nahi dut eszena. Bad Bunnyk 2020. urtean bere hiru diskoekin opari asko egin zizkigun, eta oraingoan telesail baten eszena moduan egin digu. Dudarik gabe, pandemiako salbatzailea dugu.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.