Albistea entzun

EKOGRAFIAK

Konfesioa

Lander Arretxea -

2021eko irailak 29

Aitortuko dizuet: baieztapen borobil gutxi geratzen zaizkit. Hori bai, maitasun kantetan ederrena zein den galdetzen badidazu, ez dut bi aldiz pentsatu beharrik. Gaztelaniazkoa da, eta Javier Kraherena omen, nahiz eta nik Alberto Perezi entzun nion lehenengoz. Nos ocupamos del mar du izena. Metafora naturistekin kontatzen du bikote «orekatu» baten oinarria dena. Baina ez da hori ni liluratu ninduena, ezpada lerro hunkigarri horiekin tartekatzen diren beste estrofa batzuk gehitu zizkiotela gero; iragarki labur forma hartzen dutenak, abestia eteten duten irrati kuñak bailiran.

Ariketa plagiatu nahi nuen gaurko zutabean: pilula labur batzuk tartekatu, iragarki pieza txikiak, irakurketa erabat oztopatu gabe. Baina ez. Honezkero den-denok geure buruaren promozio etengabean bizi gara —begiratu zure Instagram kontua—. Zintzoagoa iruditu zait jolasari uko egin eta konfesatzea. Konfesatzea behingoz.

Kazetariaren kode deontologikoa hautsi baitut. Kritikariaren kode morala birrindu. Lanbide-kide zintzoaren marra gorriak igaro. Deitu nahi duzuen bezala. Orriotan telebistaz hitz eta pitz nenbilen bitartean, erdi ezkutuan, Bilboko EITBko egoitzara aritu naiz joaten. Edo alderantziz: Gazteak zabalduko duen saio bat ondu dugu azken hilabeteotan, eta ni, bien bitartean, beste saio batzuez idazten aritu naiz hemen. Batean zein bestean, infiltratua: Matt Dammon eta Leonardo DiCaprioren pare.

Barne-gatazka gogorra izan da, baina uler nazazue: telebistako kontuez —eta ez soilik pantailan ikuste denaz— idatzi nahi duenak telebista barrutik ezagutu behar du. Gezurtatzen ahalegindu arren, kritikari guztiok daramagu, gainera, egile frustratu —baina itxaropentsu— bat gure barrualde ilunean. Baina bekatura eraman nauena ez da hori bakarrik izan, ez: urte asko daramatzagu Hiru Damatxon lanean, baina lehen aldiz ordainduko digute geure kabuz ere egingo genukeen saio bat egiteagatik. Eta garrantzitsuagoa dena: saioa guk nahi genukeen bezala egin ahal izan dugu, baita dirua EITBk jarrita ere. Pentsatuko duzue: nahikoa al da hori hain gai preziatua den sinesgarritasuna kolokan jartzeko? Merezi izan ote du? Zulora du izena saioak, eta ostegun honetatik aurrera zabalduko dugu sarean. Ikusi eta zuek erantzungo didazue.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Guztiok gatoz leku beretik: guztiok gara afrikarrak»

Unai Etxenausia

'Geu, afrikarrok' aurkeztu du Arrosagaraik, zenbait gazteren istorioak biltzen dituen erakusketa bat, Gasteizko Montehermoso kulturunean. Otsailaren 26ra arte egongo da ikusgai.
Madrilgo komentu batean

'Marten' hegaldia

Enekoitz Telleria Sarriegi

Francoren erregimenak, Eliza katolikoarekin batera eta Australiako Gobernuarekin tratua eginda, ehunka euskal emakumezko bidali zituen Australiara, 1960ko hamarkadan. Han lana eginaraztea eta aurretik hara bidalitako gizonezkoekin ezkonaraztea zen bidaia haien benetako helburua. 'Marta plana' deitu zioten, eta 'El avión de las novias' dokumentalean jaso dute.

«Misiolari gisa bidali nahi gaituzte»

«Misiolari gisa bidali nahi gaituzte»

Enekoitz Telleria Sarriegi

Natalia Ortiz ikerlariak, besteak beste, Josefina Erezuma bizkaitarraren istorioa jaso du bere ikerketan, Jaime Aberasturi senargaiarekin izan zuen eskutitz trukearen bidez.

 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...