Noiz sortua: 2020-04-18 00:30:00

IRLEN SAREA

Poltsikoa

Gorka Julio -

2020ko apirilak 18

Poltsikoa edo sakela oso sinbolo interesgarria da. Krisi honek poltsikoan eragingo digula esaten dugu; poltsikoak galtzetan izate soilak boterea ere irudika dezake, eta poltsikorik ez izateak botere eza; sakelak berak izena ematen dio gaur egun gehien erabiltzen dugun gailuari, sakelakoari. Gauzak (denetarik) gordetzeko erabiltzen dugula ahaztu gabe noski, era digitalean poltsiko, sakelako, Pocket digital bat aurkeztu nahi dizuet gaurkoan.

Pocket, lehen Read It Later izenez ezaguna, aplikazio eta web-zerbitzu bat da. Erabiltzaileari Internetetik lortutako irakurketa-zerrendak administratzeko aukera ematen dio. Mahai gaineko bertsioa 2007an kaleratu zen, eta gaur egun erabilgarri dago macOS, Windows, iOS, Android... sistementzat ere. 2017an Mozillak erosi zuen Pocket, bere Firefox nabigatzaile ezagunarekin uztartzeko. Gaur egun, ezer instalatu beharrik izan gabe, helbide barraren ondoan azaltzen den ikono baten bidez erabil daiteke.

Pocket-ek aukera ematen dio erabiltzaileari web orri bateko edukia hodeian gordetzeko, gero irakurtzeko. Gordetako artikulua erabiltzailearen zerrenda batera bidaltzen du ondoren, Interneten beharrik gabe irakurtzeko (offline). Automatikoki sinkronizatzen du erabiltzailearen gailu guztietan, eta irakurgarritasuna hobetzeko beharrezkoak ez diren atalak sinplifikatzen ditu, testu karaktereak moldatuz eta pantailara egokituz.

Jasotako edukiak etiketatu, artxibatu eta gogoko bezala marka daitezke, horien bilaketa errazteko. Sakelako bertsioan beste erabiltzaile batzuekin ere parteka daitezke. Horrela, jasotzen goazen informazioak antolatzeaz gain, beste batzuekin partekatu eta Pocketek berak gomendatutakoekin irakurtzeko aukera dugu.

Bereziki interesgarria iruditu zait garai hauetan. Informazioaren kudeaketa oso zaila izaten ari den egunetan, artikulu interesgarriak gorde eta gero irakurtzeko aukera (hobetua) oso baliagarria bihurtu da niretzat informazio fluxua antolatzeko.

Orain arte komentatu ez dudan funtzio bat ere badu tresnak: artikuluak irakurtzen ditu. Noski, gazteleraz edo ingelesez badira soilik, katalanez edo euskaraz ez baitu hitz egin nahi oraindik. Era honetako teknologiek duten garrantzia azpimarratzeaz gain, teknologiak existitzeaz gain, ahots sintesia kasu, hauek tresnetan txertatzeak dauka garrantzia.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna