Albistea entzun

EKOGRAFIAK

Ezer izatekotan, ez bitarrak

Juan Luis Zabala -

2021eko maiatzak 27

Definizioak, sailkapenak, etiketak... moldeak dira, mugak, kaiolak, kartzelak... Baina, definiziorik, sailkapenik, etiketarik gabe nekez etsitzen dugunez —are gehiago definizioak, sailkapenak, etiketak hain txikitatik geureganatuta ditugun alorrean, generoarenean—, ezer izatekotan, ez bitarrak direla onartzeko prest daude, ezer onartzekotan, ETB1eko Ur handitan saioko herenegungo erreportajeko protagonistak: Hari Arrijuria, Esti Blanco, Eneko Garcia, Asier Rikarte, Iris Dominguez eta Josebe Iturrioz. Ez gizon, ez emakume. Ez bitar.

Ni naiz naizena websaila laudatzeko erabili nuen argudio bera erabili behar dut Xabier Madariagak gidatutako lan honen alde mintzatzeko: definizio, sailkapen eta etiketa estuegietara ohituta gauden ikusleei ezohikoak gertatzen zaizkigun lekukotasunak eskaini zituen, ezagutzarako, ulermenerako eta enpatiarako. Ez dago ezagutzea eta entzutea bezalakorik aurreiritziak gainditzeko, eta telebista horretarako tresna egokia izan daitekeela erakutsi du, beste behin, Ur handitan-ek. Bide batez esanda, Ni naiz naizena websailaren beste bi atal daude ikusgai trans.eus atarian, eta gehiago ere izango dira laster.

Bitxia da. Genero batetik bestera igarotzeko pausoak emandakoen eta beren burua genero horietako ezeinetan kokatzen ez dutenen lekukotasunak entzun eta haien errealitatea ezagutu eta gero, lesbianismoa eta homosexualitatea ia-ia heterosexualitate «klasiko» eta «ereduzkoa» bezain normatiboak direla dirudi, une batez eta kontrastearen efektuagatik baino ez bada bada ere, ilusio optiko baten antzera. Egia baita, izan ere, errazago onartzen direla gure gizartean nagusi diren genero-eskemetatik begiratuta.

Ez bitarrak, trans bitarrak, lesbianak, homosexualak, bisexualak, heterosexualak... denak denen aurrean berdin normatiboak eta normalak izatea litzateke egokiena; definiziorik, sailkapenik, etiketarik gabe, edo behintzat horien mendeko izan beharrik gabe ezertarako. Baina amets hori gauzatu artean, tamalez, gaur eta hemengo errealitate gordinean, fobien aurka borrokatzea da urgenteena, herenegungo saioko lekukotasun batzuek ere erakutsi zutenez, eta horretarako oso lagungarriak dira Ni naiz naizena websaila eta herenegungo Ur handitan bezalako telebista saioak.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Jai giroan omendu zuten Mikel Martin. Musika eta kolorea izan ziren eguerdiko kalejiran. ©ERIK GARTZIA EGAÑA / OARSOALDEKO HITZA

Omenaldia konplizeari

Amaia Jimenez Larrea

Mikelaldia egin dute Errenterian, Mikel Martin aktibista eta militantea gogoratzeko eta omentzeko egun osoko ekitaldi sorta, festa giroan. Duela sei hilabete hil zen.

 ©IDOIA ZABALETA / FOKU

«Ardiek agintzen didate zein erritmotan ibili behar dudan»

Maddi Ane Txoperena Iribarren

Urtean bitan, sei egunez, Ballentek oinez eramaten ditu bere 1.600 ardiak zaraitzuarren abelbidean barrena. Abeltzaintza estentsiboaren kudeaketa eskasaz kexu da: «Hau bukatzea da modu bakarra ohar daitezen aldatu egin behar dela».
 ©TV3 / BERRIA

«Etorkizuna zoragarri ikusten dut, eraldatzen ari baikara»

Urtzi Urkizu

Berriki berrogei urte bete dira TV3ek lehen emankizuna egin zuenetik. Grasek iragarri duenez, urriaren 25ean jarriko dute martxan 'streaming' bidezko plataforma berria: 3Cat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.