IRLEN SAREA

InfluenZer?

Gorka Julio -

2019ko uztailak 13

Influencer esaten zaie sare sozialetan, eta orokorrean Internet bidez, jarraitzaile edo audientzia batengan ustezko eragina duten pertsonei. Ez dute zertan izan orain arteko pertsonaia erreferentzialak; pertsona arruntak izan daitezkeela esaten da. Esparru batean edo gai batean eragina sortzeko gaitasuna aitortzen zaie, eta azken boladan marketin digitalean asko hedatu badira ere burbuila handi bat ere badira.

Marketin kanpaina askotan, sare sozialetan, bereziki Instagramen, famatu egin dira. Produktuak aurkeztu edo gomendatzen dituzten pertsona horiek, anekdotikoak edo errealak zirenak hasieran, beste espazio merkantilizatu bat bihurtu dira.

Hasieran egiten zituzten gomendioak oso interesgarriak izan zitezkeen. Gai bat hartu, horren inguruko komentarioak eta iruzkinak egin eta beste jende askok horiek baliagarri ikustea polita da. Hortik, ordaintzen dizutenagatik bakarrik egitera, eta gainera etengabe gaia aldatuz joatea, penagarria.

Marketin digitaleko komunikazio agentziek, gainera, saldoka bateratzen dituzte influencer hauek. Zuzenean pertsona horiekin harremanetan jarri beharrean, interesgarriak izan daitezkeelako beraiekin hitz egin beharrean, pertsona biltegi moduko bat osatzen dute; haiek lotean saldu ahal izateko.

Burbuilari buruz hitz egiten ari da, hauen benetako eragina zalantzan jarri delako. Ustez, interesgarriagoa bazen hauekin kontatzea publiko askora iristeko, horren eragina gero eta lausoagoa dirudi. Adibideak asko izan daitezke, baina nahiz eta gogoko asko izan, ezer edo ia ezer saldu ez duten produktu promozionatuak asko dira. Egia da komunikazio zuzenagoa dirudiela, baina inflazio puntu batera iritsi da. Komunikazio zuzena bilatzen denean, gero eta argiago dago era honetako komunikazioak soberan daudela. Hasieran detektatzen zaila baziren, orain benetakoak direnak ere zalantzan jartzera eramaten dute jende asko.

Gogoko duzun toki baten argazkia, aurkitu duzun kafetegi zoragarri batean atera dizuten kafesne eta ilgoropil (croissantaren adiera internetero bat) ezin hobeak, erosi berri dituzun zapatila eroso horiek... Susmagarri bihurtzen zaitu orain niretzat. Denak gara eragile. Influencer, aldiz, gutxi batzuk badira edo izan nahi badute ere, denak susmagarri.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna