Albistea entzun

EKOGRAFIAK

Sua

Lander Arretxea -

2022ko ekainak 24

Suak nahi beste esanahi eta interpretazio baimentzen ditu. Galdetu, bestela, Maialen Lujanbio edo Amets Arzallusi. 2009ko Bertso Txapelketaren buruz burukoan frogatu zuten maisuki, bederatzi puntuko bertso bana eskainita. Aurten Nafarroan egingo den finaleko sarrera salmenta ere on fire egon da egunotan, hainbeste non webgunea erori den. Eta, bien bitartean, suak, Nafarroan bertan, makina bat lur eta eraikin hondatu ditu.

Instagramen iruzkin lerdetsuak egiteko baliatzen den emotikonoa ere bada.

San Joan eguna da gaur, ordea, eta, urteko sasoi honetan, suak badu berezko esanahia. Udako solstizioaren ingurumarietan gaudela gogorarazten digu, eta haren bueltan egiten dugu kantu eta dantza. Metaforikoki edo literalki —eskolako koadernoak sutara botatzen genituen guk orain urte batzuk—, ikasturtearen amaiera eta balizko uda ederraren hasiera ordezkatzen ditu. Badu ekainaren 23ak inflexio-puntu edo reset egiteko eguna izateko joera: «Txarra erre eta ona eskatu».

Kasualitatea edo ez, San Joan bezperak eskatutako «on» horren lehen dosia ekarri du telebistara. Euskaraz ari diren hedabideen sarea eta EITBren arteko harremana ez da ahal bezain emankorra izan. Atzo, aldiz, Goiena TBk eta ETBk elkarlanean osatu zuten Arrasatetik zuzenean egindako saio berezia. Imanol Artolak (ETB) eta Goiatz Aranak (Goiena TB) egin zuten emanaldiaren kontakizuna; eta Aitor Agiriano (Goiena TB) aritu zen plazan, bertako giroaren berri emanez. Bi etxeetako zuzendariek aurreratu dutenez, elkarlan sakonagoaren lehen pausoa baino ez da.

Poztekoa da. Izan ere, tokian tokiko hedabideen sarea indartsua da Euskal Herrian. Idatzizko hedabideek zein tokiko telebistek erreferentzialtasuna dute han eta hemen, baita profesional finak ere. Maila nazionalean lan egiten duten proiektu komunikatiboetan, beste horrenbeste. EITBren aliatu —bi norabideetan, noski— izan daitezkeen zientoka ekimen daude: podcastgintzan dabiltzanak, makina bat gaietan adituak diren kazetariak dituzten berripaperak, baliabide gutxirekin bada ere ikus-entzunezkoak egiten tematu diren proiektu adoretsuak... Eta, orain arte, behar baino gutxiagotan egin dute topo. Ea ekainaren 23 honek betetzen duen, gai honetan ere, inflexio-puntu izateko ohitura zaharra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

A Currilingua, korsikeraren erabilera aldeko Korrikaren 65. kilometroan, iaz, lehen aldian. ©PARLEMU CORSU

Uhartea korrika korsikeraz

Ainize Madariaga

A Currilingua eginen dute bihar, korsikeraren aldeko egun bakarreko Korrika, Aleriatik Bonifaziurat. Bigarren aldiak parte hartzaile haboro dauzka, eta kilometro haboro hego muturreraino.
Xabier Urizar maila goreneko txokolatearen dastatzailea, txokolatea aztertzeko mapa eskutan duela. ©IDOIA ZABALETA / FOKU

Txokolatearen sekretuak

Olaia L. Garaialde

Xabier Urizar maila goreneko txokolatearen dastatzaileak hezkuntza eta txokolatea uztartzen ditu. Dastaketa baten nondik norakoak azaldu, xehetasunak aztertu eta mitoak apurtzen ditu.
 ©HBO MAX

Jolas parkeak, androideak eta gizatasuna

Mikel Yarza Artola

HBOren 'Westworld' telesailak laugarren denboraldia estreinatu du. Gizakien eta androideen arteko talka da nagusi thriller ilun honetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...