EKOGRAFIAK

Adin guztiak, batera

Miren Manias -

2019ko urtarrilak 25

Atzo goizean ez nintzen esnatu Eskozian. Asteazkenean, Loreak (2014) filmaren emanaldira gonbidatu ninduten Leeds Cineforumeko lagunek (Leeds, Erresuma Batua); Jon Garañok eta Joxe Mari Goenagak zuzendutako lana aurkezteko eta euskal zinemaz hitz egiteko. Hogeita bost lagun inguru bildu ginen The Brunswick taberna «independenteko» hirugarren solairuan. Espero baino interes handiagoa piztu zuen euskarazko pelikulak. Ez dut nik esaten, Rachel Johnson eta Maddalena Moretti zineforumeko antolatzaileek baizik. Haien esanetan, ohi baino jende gehiago geratu zen amaierako solasaldian ere.

Gustura hartu nuen harrera ona. Kontuan hartuta neguko astegun batean eta arratsaldeko zazpietan zela saioa, bereziki estimatu nuen modu independentean antolatutako kultura ekitaldi batek hainbat adin tarteko jendea elkartzeko gaitasuna. Filmaren osteko eztabaidan, gutxienez, lau lagun baziren 45 urtetik gorakoak. Entzun, ikusi eta eztabaidatu da Leedseko zineforumaren leloa. Hein handi batean, areto komertzialetan jartzen ez dituzten filmak erakusten dituzte.

Hurrengo goizean, hotelean gosaltzen ari nintzela, mututurik baina piztua zegoen telebistako irudiek hartu zuten nire arreta. BBC One kateak, hain zuzen ere. Emisioan Rip Off Britain saioa zegoen: iruzurrak erakustea eta bezeroak laguntzea xede duen telebista programa. 2009tik ari dira ematen, eta adin nagusiko hiru emakumezko zein kazetari ohiek aurkezten dute. Berrogeita bost minutu irauten du saio bakoitzak, eta hainbat gaiei heltzen diete; elikadura eta bidaia kontuak, tartean.

Ikusleen benetako gertakizunetan oinarritzen dituzte gidoiak. Protagonistak BBCko lantaldearekin harremanetan jartzen dira lehendabizi, izandako arazoa azaldu, eta telebista publikoak haiei egindako elkarrizketekin eta adituen aholkuekin bideo laburrak osatzen dituzte. Herenegun goizean, hegazkinez bidaiatzean sor daitezkeen arazoen gainean hitz egiten ari ziren. Atzerapenak, bertan behera utzitako hegaldiak, ekipaje murrizketak... Nork ez du inoiz halakorik bizi izan? Eta zeintzuk dira bezeroon eskubideak?

Pena da mututua zutela telebista; bestela, gosaltzen ari ginen adin guztietako lagunak pantailari begira harrapatuko gintuzten, seguru.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Jendea, maskara jantzita, Iruñeko Sarasate pasealekuan, uztailean. ©IÑIGO URIZ / FOKU

Espainiako Gobernuaren neurriek ez dute eraginen Hegoaldeko hirietan

Maddi Ane Txoperena Iribarren

Nafarroako Gobernuak eta Eusko Jaurlaritzak baiezkoa eman diote Madrilek hiriei jarritako murrizketen proposamenari. Remirezek ortziralean erranen du Nafarroako neurriak luzatuko ote dituen

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna