Albistea entzun

EKOGRAFIAK

Gogoan geratzeko modukoa

Juan Luis Zabala -

2021eko ekainak 2

Azkenaldian estreinatutako telesailik laudatuenetako bat da Craig Zobelen Mare of Easttown (HBO, 2021), eta laudorio guztietan egiten zaio aipamen berezia Kate Winslet aktoreak egindako antzezpen lanari. Motiborik ez da falta laudorio horietarako, kontatzen duen istorioak eta aktore nagusiaren indarrak erakargarri egiten baitute lan hau, atal bat ikusi ondoren hurrengoa ikusteko gogoa pizten duten horietakoa.

AEBetako herri txiki eta ez bereziki alai batean kokatzen da krimen baten argiketan oinarritutako thriller hau, eta pertsonaia nagusia, Mare (Kate Winslet), argiketa lan horiek obsesionatzen duten polizia da, bizitza pertsonalean ere arazo, ezinegon eta katramila handiei aurre egi behar diena: doluaz gain, erruduntasun zama handia utzi dio semeak bere buruaz beste egin izanak; bilobaren —seme zenduaren umearen— zaintzaz arduratzen da, baina umearen amak, gizarteratze prozesuan urrats sendoak eginez, umearen zaintza kendu nahi dio; bilobaz gain alaba eta ama ere etxean ditu, baina elkarbizitza ez da batere gozoa izan ohi egunerokoan; senar ohia gertu bizi da eta ez du askorik behar izaten harekin liskarrean hasteko...

Bizitzak ezarri dizkion zama astunak bizkar gainetik ezin kenduta, ingurukoekin, eta jendearekin oro har, gutxieneko gozotasunez eta bizipozez zipriztindutako harremanak izateko ezintasunak dauka etengabeko abailduran preso hartua Mare. Bitxia izan daiteke, baina Koldo Almandozen Hondar ahoak telesaileko Nerea (Nagore Aranburu) dakar gogora behin baino gehiagotan, ez harremanetarako gozakaizkeriagatik soilik; baita janzten duen arropa beti ilun eta itzaliarengatik, erretzen dituen zigarro elektronikoengatik eta ikerketan kide egokitzen zaion polizia tratatzeko moduarengatik ere, besteak beste. Nerea ezin da, jakina, Mareren kopia bat izan, aurretik sortua baita, eta harrigarria litzateke Mare Nerearen kopia izatea. Agian, besterik gabe, batak zein besteak beste telesail bat eta beste pertsonaia bat, edo batzuk, izan dituzte inspirazio iturri.

Telesail asko ikusiz gero, gehienak laster batean ahaztuak izateko arriskua dago. Baina susmoa dut Mare of Easttown, joera nagusiaren aurka, gogoan iltzatuen gelditzen diren horietakoa dela, Kate Winsleten lanari esker, neurri handi batean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aguada Fenixeko indusketa gunea, LIDAR teknologia bidez hartutako irudi batean. / ©Alfonso Bouchot / Wikimedia Commons (CC BY-SA)

Ezkutaturik dauden 478 monumentu aurkitu dituzte Mexikon laser bidez

Jon Ordoñez Garmendia

Oihanak estaltzen dituen lautada artifizial batzuk atzeman ditu zientzialari talde batek, Mexikoko Gobernuak LIDAR teknologiaren bidez hartutako irudiak aztertuz.

 ©MARISOL RAMIREZ / FOKU

«'Kontrol' hitzak adiera ezberdinak ditu armen merkatuaz hitz egitean»

Amaia Ramirez de Okariz Kortabarria

Urteak daramatza Calvok armen salerosketa ikertzen, Delas zentroan. Industria hori kontrolatzea posible den ala ez: galdera hori izango du hizpide Gasteizen bihar emango duen hitzaldian.
Berria Ikasgelaren Tutoriala

BERRIA Ikasgela, egunerokoarekin ikasteko tresna

Mikel P. Ansa

Proiektu berri bat sortu du BERRIA egunkariak: Ikasgela. 12 urtetik aurrerako ikasleekin eskola orduetan lantzeko gaiak proposatuko ditu webgune batean: Berria.eus/ikasgela.

HBO Max plataformak gaur estreinatuko du <em>Todo lo otro</em> telesaila; Abril Zamorak sortu du. ©HBO MAX

HBO Max gaurtik martxan da Hego Euskal Herrian, eduki berriekin

Urtzi Urkizu

Plataforman HBO, Max Originals, Warner Bros, DC eta Cartoon Networkeko edukiak daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.