Albistea entzun

EKOGRAFIAK

Telefonoa

Juan Luis Zabala -

2021eko ekainak 3

Sakelako telefonoa, eskuko telefonoa, telefono mugikorra, zelularra, sega-potoa...; edo telefonoa, besterik gabe, abizenik gabe, markarik gabe, marka telefono finkoari utzita, hura baita gaur egun bazterreko, gero eta bazterrekoago; harik eta egungo telefono gazte horri beste izen batez deitzen hasten gatzaizkion arte behintzat, auskalo nola, telefonotik gero eta gutxiago baitu, proportzioan bederen.

Nola deitu behar diogun ez dakigu, baina badakigu bete-betean sartu zaigula delako aparatu hori gizartean, etxean, sakelan, eskuan, bihotz-begietan, buruan, burmuinaren muinean. Beste gairik ez da hiruzpalau urtetik gorako haurren eta nerabeen gurasoen artean, debekua, orduen murrizketa eta mugak, sozializazio birtuala, pornografia, aholkularitza elkarteak eskoletan hizlari, guraso-kontrolak, irakurketa-ulermenaren galera, burmuinaren moldaketa... Silicon Valleyko langilerik kualifikatuenek demoniozko trastea debekatzen omen diete seme-alabei. Zorioneko telefono madarikatua!

Telebistari puska handia jan dio oraindik ere telefono deritzogun horrek, batez ere belaunaldi berrien kontsumo ohituretan, lehen ordenagailua jaten hasi zitzaion bezala. Gero eta zaharragoen kontua bihurtzen ari da telebista, garai batean hain indartsu eta eraginkor izandakoa, egunkaria bezala, irratia bezala, ordenagailua bera bezala ere neurri handi batean, tableta desagertzeko zorian utzita, eta liburu elektronikoa txoko murritzean leku egonkor samarra eginda, paperezkoari traba handirik egin gabe.

Telebista ere bihurtzen baita, telebista txikia bada ere, telefono deitzen diogun hori, guk hala nahi izanez gero, etxetik kanpo edo etxeko gainerako bizilagunen erabakitik kanpo gaudenean, adibidez. Telefono oraindik gazte horrekin alderatuta, desagertzeko zorian dagoen dinosauro zurrun eta moldakaitza bihurtua da dagoeneko, gure iruditerian, telebista.

Hala ere, telefonoak ez du telebista hilko, telebistak irratia hil ez zuen moduan, ezta irratiak prentsa idatzia ere, ezta prentsa idatziak txutxu-mutxuak ere. Kenketarik gabe, batu egiten dira tresnak oro, pilatu, metatu, Quino zenaren aspaldiko bineta ezagun batean etxetresnak pertsona ezabatzeraino metatzen ziren bezala. Denok enpo eginda nondik edo handik lehertuko garen unera arte.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.