Albistea entzun

EKOGRAFIAK

Ikusmira

Lander Arretxea -

2021eko abenduak 15

Zerk pizten du zure ikusmira? Zerk mantentzen zaitu pantailara pega-pega eginda, zure betebeharren zerrenda erabat ahanzteraino? Zerk eragiten du zugan erakarpenik itsasgarriena, baita deseroso sentiarazteraino ere? Paisaia ederrek, hizlari inspiragarriek, film berritzaileenek nahi zenuke erantzun. Baina hala ote? Lasai, ez zaude bakarrik. Lo arin samarrekoa naiz, eta sakelakoa eskuan, historiako hiltzaile ilunenen berri ematen duten Twitterreko hariak irakurtzen aritu nintzen atzo.

Ez diot nik gizakiaren joera berezkoa denik, ez diot nik ez gaituztenik, sotilki edo ez hain sotilki, horretara zaletzeko hezi; baina han-hemengo formatu ikusienen zerrenda errepasatzea nahikoa da ohartzeko: gaur eta hemen ikusmira irrazionala pizten duten zerak, bi dira: misterioa —fikziozkoa edo ez, heriotza zenbat eta gordinagoekin bada, hobe— eta beste pertsona erreal batzuen (ustezko) miseria eta xelebrekeria. Thriller edo reality-etan bakarrik ez, azken urteotako dokumentalgintzaren joeran ere antzeman daiteke: Netflixen Tiger King sailak plataformaren markak gainditu zituen, eta badu, gehiago edo gutxiago, bietatik.

Heriotzarekiko morboa ez da gauza berria; makina bat psikologok aztertua izango dute. Hori baino deigarriagoa egiten zait bestea: desberdin, xelebre, friki etiketapean katalogatu ohi ditugun horien bizitzak ikusteak eragiten digun lilura. Bizitza presentzialean —kontzienteago edo ez— arbuiatzen ditugun horiek jakinmina eragiten digute. Aste honetan bertan ikusi dudan dokumental laburrak haizatu dit gogoeta: Bego Anton artistaren hainbat lan daude Donostiako Tabaleran ikusgai, eta haietako batek —Everybody loves to ChaChaCha du izena- AEBetan euren zakurrekin batera dantzatzean datzan diziplina batean lehiatzen diren pertsonak erakusten ditu. Oso helduak dira gehienak, eta zakurren irudiz jositako etxe zaharkituetan bizi dira, kaninoz inguratuta.

Antonek berak kontatu du errespetutik eta parodiara eraman gabe erretratatu nahi izan dituela. Ez dut bere asmoez batere zalantzarik; baina hainbeste zukutu dute telebistek formula hori, non ez den zalantza hori batere erraza uxatzen: errudun sentimenduarekin nahasten den lilura eta ikusmira hori izan daiteke errespetuzkoa oraindik?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Migel Joakin Eleizegiren hezurren arrastoak itzultzeko ekitaldia, atzo. ©

Berriz ere Altzoazpiko hilerrian dira Altzoko Handiaren hezurren arrastoak

Nagore Arin

Bi urtez Aranzadiko instalazioetan egon ondoren, berriz ere Altzoazpiko hilerrira itzuli dituzte Migel Joakin Eleizegi Arteagaren hezurren arrastoak.

Itziar Ituño aktoreak Malen Zubiri politikariarena egiten du <em>Intimidad</em> telesailean. ©DAVID HERRANZ / NETFLIX

'Intimidad', Netflixen gehien ikusi den telesaila, ingelesez bestekoetan

Urtzi Urkizu

Txintxua Filmsen fikzioa 58 herrialdetan sartu da Top10ean. IMDB-ko lehen 50etan kokatu da

Eneko Orozek 'Zer ikusi euskaraz' egitasmoa jarri du martxan
Edorta Agirre. / ©Gorka Rubio, Foku

«Janari pista galduz gero, nahi duena salduko digu sistemak»

Miren Garate, Gipuzkoako Hitza

Janaren inguruan «gero eta desinteres handiagoa» ikusten du Edorta Agirrek, Amantala ta mantela liburuaren egileak. Dioenez, «zelofanez ontziratutako produktuek» hartu dute lehengaien tokia. «Horiek zer duten? Sinetsi egin behar, ez baitugu kriteriorik».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...