Albistea entzun

EKOGRAFIAK

Abiapuntua

Lander Arretxea -

2022ko urtarrilak 21

Hau Abiapuntua da. Baina ez da soilik programa bat, giza esperimentu bat da. Osagaiak: sei gazte, errealitate ezberdinak eta puskatu beharreko aurreiritziak». Hala dio ETB1erako Baleuko ekoiztetxeak garatu duen Abiapuntua saio estreinatu berriak. Xabier Madariaga du aurkezle, eta pantailen atzean, Ur handitan saio arrakastatsuaren lantalde bertsua dago. Protagonistak, ordea, astez aste lagunduko gaituzten sei gazteak dira. Hor bada, hasteko, zer iruzkindua: gazte etiketak ia edozeinentzat balio duen garaiotan, terminoa modu malgu samarrean hartu dute. Baina adinak adin, seiko talde hetereogeneoa da ikusleak parez pare izango duena; haiek ezagutu eta arakatuko dituzten bizipenak ezagutuko ditugu.

Lehen saioan aniztasun funtzionala hartu dute gai nagusi. Madariagak berak eman du saioaren begirada zehazten duen azalpena: «Ez da ezgaitasuna definitzeko erabiltzen den terminoa, desberdin funtzionatzeko gaitasuna definitzeko baizik». Ez datoz denak bat hitz horiek beren baitan duten nolabaiteko infantilizazio horrekin, baina supituki arre edo so egin behar horretan, hala hautatu dute. Sei gazteek ikusmen urritasuna, entzumen urritasuna eta mugimendu urritasuna duten pertsonen egunerokoa ezagutu dute; xehetasun txikienek ere —kalearen antolaketak, adibidez— haiengan duen eraginaz jabetzea. Hori da saioaren ezaugarri nagusia: gazteak ez dira informazio bila hara edo hona doazen protagonista soilak. Ezagutuko duten errealitatea bizi egiten dute, besteen azalean jarri eta gogoetak bizipen horietatik abiatuz. Horretarako, urritasuna duten pertsonak lagunduta, euren oztopo bertsuak jarri dizkiete binaka: gurpildun aulkia, ikusteko ezintasuna edo entzutekoa.

Teknikoki ez da Ur handitan edo gisakoek duten apustu estetiko bertsua, baina erritmoz bizia da, eta gazteak hiru talde desberdinetan banatzeak arindu egiten du saioaren garapena. Interesgarriena, ordea, lehen atal horretan behintzat, gaietan murgiltzeko bide desberdin bat aurkitu izana da. Programako sei gazte protagonisten dorpezia, lotsa eta kontraesanak gutako askok izan genitzakeen bertsuak dira, eta haien ikasketa-prozesuan ispilu lana egiten dute. Akaso, diskurtso borobil eta hunkigarriak aurkeztea baino interesgarriagoa izan daiteke. Hori da abiapuntua, garapenaren zain.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Emakume bat, Bilboko Konpartsek, atzo, Bilboko Plaza Barrian antolatutako Kapela Egunean. ©ARITZ LOIOLA / FOKU

Bilbok buruan darabilena

Iñigo Astiz

Aste Nagusia hasteko ehun egun baino gutxiago falta direla gogoratzeko Kapela Eguna antolatu dute Bilboko Konpartsek, eta atzerako kontagailu bat ere jarri dute Plaza Barrian.
 ©JAIZKI FONTANEDA / FOKU

«Herriaren ondarea da auzolana, gizartea osasuntsuagoa izan dadin aberasgarria»

Amaia Ramirez de Okariz Kortabarria

Mozambiketik bueltan erabaki zuen Gabilondok gertuko zuen Garaioneko proiektua berriz hartzea. Sorkuntza, ondare soziala eta natura ditu ardatz, baina baita euskara eta feminismoa ere, zuzenki aipatu ez arren «halabeharrez» egon behar dutelako hor.
Svenja Jung aktoreak bi rol jokatzen ditu telesailean: bi ahizpa biki protagonistena egiten du. ©COSMO

Cosmo kateak 'Der Palast' telesaila emango du bihartik aurrera

Urtzi Urkizu

Alemanian 6,23 milioi ikus-entzule izan ditu (%20,1). Crossover jaialdian lehen atala eman zuten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.